Lukas 9:48 - Allah Wene Hurumbik Keron

⁴⁸ yig isaruk wilil, “It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o. Eke An nebe og nabuhup halug ari, At lahap nabik waharision etno At wahup-o. Eke ap misig hinanggelegmen seberepataruk halug, fobik suon welaruhu-o,” ulug yig isebag.

Lukas 9:48 ပူးပေါင်းရင်းမြစ်များ

Matius 18:10

At Yesus etnowen yig isaruk wilil, “An nudaki doron epmano misig hinambit haruk wilil, kimburepfuk fug-o. Eke inomalaikat ari nintul nantul Nikni inim boholma wereg-o ulug An demat yig hisaruk ahi-o.

Matius 18:14

Ariroho sirisi etno hag, Hinikni boholma werehon etnowen An nudaki doron epmano misig nuk am ari hai ulug ahla buruk-o,” ulug yig isebag.

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Markus 9:37

Eke An nebe og nabuhup halug ari, At lahap nabik waharision etno-at wahup-o,” ulug yig isebag.

Lukas 10:16

eke fobik At omini epmano yig isaruk wilil, “It hit hinune inesanggo holtukon halug, An nune-at holtuk-o. Eke it ninen hit inapmarep hisaharukon halug, An nebe-at inapmarep naharuk-o. Eke it An inapmarep naharukon ari, An lahap nabik wapahon etno-at inapmarepfuruk-o,” ulug yig isebag.

Lukas 14:11

Eke it aphe inonggarehen suontepatarukon halug, seberep isahu-o. Eke it inonggarehen seberepatarukon halug, suontep isahu-o,” ulug yig isebag.

Lukas 22:26

Ari halug, it kweanmonen suruk ari hag, hit ariroho-at suruk am fug-o. Eke at hinanggelegmen hinowe suon neken werehon etno, hinot fobikon neken wilil, hinanggimbu-at welamag-o.

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Lukas 7:28

at Yohanes it aphe obog inowe neken wereg oke, it aphe At Allah weregmen sukon wene inesanggo holtukon epmano inapma neken wereg-o. Ariroho weregma, An demat yig hisaruk ahi-o,” ulug At Yesusen yig isebag.

Yohanes 13:20

Ariroho yig hisihireg fam, wene demat uruk amon etno yig hisamin-o, “It aphe ninen An nanggimbu lahap isa waharuk ahion epmano demat ulug heahi war inaptuk isalug, An nebe-at heahi war naptuk-o. Eke An nebe heahi war naptuk isalug, At lahap nabik waharision etno-at heahi watuk-o,” ulug yig isebag.

Yohanes 14:21

Eke it aphe An nawene eberoko walug, ilitoho surukon epmano An nobam inindi hunduhuk wereg-o. Eke it An nobam inindi hunduhuk werehon epmano An Niknien inobam indi hunduhuk wereg-o. Eke Anden inim-at inobam nindi hunduhuk wilil, nawene etno obog-at bukaloko yig isahuk-o,” ulug yig isebag.

1 Tesalonika 4:8

Eke ap misihen wene ebe yig hiseheon etno seberoho umburuk halug, ap inune seberoho umburuk eleg-o. At ap ari At Roh Kudus og nisarukon etno une-at seberoho umburuk-o.

1 Petrus 5:6

fobik At Allah oag werehon etno ahla bulug suontep hisahaku-o. Hit kidia an doron ulug seberepataruk amiek-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.