Lukas 9:42 - Allah Wene Hurumbik Keron

⁴² Yig ituk apagma, udag etno waharuk heheg, at setanen waroko kweanma yinggipfuruk apagma, nenek sebag. Nenek suruk apareg weregma, At Yesusen setan dahon etno winimug yig ituk apareg, udag etno fano sebag. Fano suruk apareg, At etno ikni og epag.

Lukas 9:42 ပူးပေါင်းရင်းမြစ်များ

Markus 9:20

Yig ituk apagma, at udag etno Yesus ambeg walug wapag. Walug waharuk apagma, setan udag etno indimu werehon etnowen At Yesus ilanggen haruk apareg, elekelek suruk apagma, at udag etno kweanma yin apag. Yin atuk apareg, dahag fahag suruk wilil, elma wasup anggolo herog ebag.

Lukas 7:15

Yig ituk apagma, at udag warapahon etno minatlug horie uruk apareg, une ebag. Une uruk apagma, At Yesusen udag etno isina og epag.

Lukas 9:39

Eke at etno setan indimu kurukmu, une suon uruk wilil nenek surukmu, elma wasup anggolo herog uruk-o. Eke at setanen ayeg libiltuk wilil, sohorep isaruk eleg-o.

Lukas 9:41

Yig ituk apagma, At Yesusen yig isaruk wilil, “Hit hinindi fikfag ebereheg eleg-at wilil, hinobabut dahon-at welahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, at ap etno yig ituk wilil, “Hat hamloho ari walug nambeg ma-o,” ulug yig epag.

Yohanes 6:19

Ariroho suruk heheg, it omini epmano so fam dot yatma neken-at laruk apareg, inilanggen yet haruk apag, At Yesus etno ik namut fam iog imbil so wereg ambeg etano waharuk apagma, inilanggen haruk apareg, it epmano inakol hebag.

Kisah Para Rasul 9:41

Minduhupfuruk apareg, it Allah wene warukon inim, it hweap suhweon epmano inim wol isaruk apareg, yig isaruk wilil, “Hwe mondog warahaon etno iluk aha du hinilanggen himiek-o,” ulug yig isebag.

Wahyu 12:12

Ari halug, hit boholma welahebon hinahien suruk amiek-o. Eke hit kweanma, ikma welahe­bon epma hinabua-o. At iblis etno hinambeg ambehekseg fam, ahla buruk wilil, Allahen war nabukon etno fanggog ehek hihi-o, ulug asine anggolo hehek-o,” ulug une etnowen irisi-o.