Lukas 9:28 - Allah Wene Hurumbik Keron

²⁸ Yig isaruk apareg, eke fobik ininggik enggalimen angge welapareg, At Yesusen it Petrus, Yohanes, Yakobus etano og inaplug, inim sembahyang uog ulug bunumu misig lahabag.

Lukas 9:28 ပူးပေါင်းရင်းမြစ်များ

Matius 14:23

Lahabareg epmano wereg heheg, o hup atuk apagma, At Yesus etno akeleg-at bunu etno fam welapag.

Matius 5:1

Nin eke At Yesus it aphe obog wonggalfahon epmano yet isaruk apareg, bunu misig fam lahabag. Laharuk apareg, horie uruk apagma, At omini epmano ambeg wapag.

Markus 1:35

Eke fobik nohoruk apareg, o witiog ulug ahla healtuk heheg, iluk atlug wilip atuk apareg, o aphe eleg ambeg epmanowen sembahyang ik lebag.

Markus 6:46

Yig isaruk apareg, heahi warep isalug, At ebe bunumu epmano sembahyang ik lahabag.

Lukas 3:21

Eke fobik, it aphe obog ikma belap inaptuk apareg, At Yesus inim belapfebag. Belapfuruk apagma, At Yesus etno sembahyang uruk heheg, bohol heal haruk apareg,

Lukas 5:16

Wonggalik wapahon oke, At etno o aphe eleg ambehen sembahyang iminen ulug lebag.

Lukas 6:12

Uruk apagma, eke At Yesus etno bunumu laharuk apareg, hubanggo arambik Allah obam sembahyang uruk apag. Uruk apareg weregma, o witebag.

Lukas 8:51

Yig ituk apareg, ap etno ibam wapag. Waharuk apareg, kiog ulug suruk wilil, selemen hit obog ninim kul fug-o, ulug yig isaruk apareg, it Petrus, Yohanes, Yakobus, etano inim, at hole etno ikni isina etano inim it etno-at ninim kulen-o, ulug yig isebag.

Lukas 9:18

Eke fobik At Yesus etno akelegma lebareg sembahyang urukmu, it omini epmano At ambeg waharuk apagma, Aren yig isaruk wilil, “It aphe obog epmanowen An nebe farim sa ulug uruk-o?” ulug yig isebag.

Yohanes 6:3

Mutlug laruk apareg weregma, At Yesus etno bunu misig fam laharuk apareg, omini epmano inim horie ebag.

2 Korintus 13:1

Ari halug, eke kidia an ninggik henahanam bik hisa wariog ulug suruk ahi-o. Eke it ap biren henahanen alem ari wereg ulug uruk isalug, demat ulug ninahla buruk ahe-o, ulug holal baleg etno fam yig nisaruk-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.

2 Petrus 1:16

Ari halug nomini-o, At Ninowe Yesus Kristus oag werehon waruhu ulug, yig hisaruk ahi etno yi wene di wene inenggal urukon epmano mutlug lawag ulug yig hisaruk ahi fug-o. Nit ninilanggen At Yesus sukfuganggeroho surukmu harukuk-o.