Lukas 9:22 - Allah Wene Hurumbik Keron

²² yig isaruk wilil, “An Allahen minduhup naharision etno dahon neken nowabuhup-o. It hinowesi epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Lukas 9:22 ပူးပေါင်းရင်းမြစ်များ

Matius 17:12

eke misig du An demat yig hisamin-o, at Elia etno arat waharisireg ninim weregma it apheyen at obam ebereheg eleg-at wilil, inindien-at obam dag seko umburusa-o. Eke at etno dahon obam umburusa etno hag, An Allahen minduhup naharision etno dahon nobam umbuhup-o,” ulug yig isaruk apagma,

Matius 17:22

Eke fobik it omini epmano obog o Galilea wonggalik waharuk apagma, At Yesus etnowen yig isaruk wilil, “Horog kidia-at An Allahen minduhup naharision etno senoko og naplug laruk amuhupmu, nowabuhup-o.

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

Markus 8:31

Inesanggo watuk apareg, wene yig isaruk wilil, “An Allahen minduhup naharision oke, dahon neken nowabuhup-o. It inowesi suon epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahan welaruhukseg fam, niluksoho minduhup nahaku-o,” ulug wene etno bukaloko yig isaruk apagma,

Markus 9:31

Yig isaruk apareg, eke fobik yanggul isaruk wilil, “An Allahen minduhup naharision etno senoko og naplug laruk amuhupmu, nowabuhup-o. Nowabuhubon oke, ninggik henahanam welatlug niluk aruhuk-o,”

Lukas 17:25

Eke ariroho awan waharuk elegma, bilin it aphe kidia werehon epmanowen ninambit-o ulug uruk atlug, dahon angginon etno nobam umburuk amuhupseg, nowabuhup-o.

Lukas 24:26

Eke At Kristus etno Inowe suon welamag ulug, yi angge di angge dahon obam embeheg elegma suon welaruhu-o ulug hinahla buruk ahep ano?” ulug yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Lukas 24:7

‘An Allahen minduhup naharision etno it ap dag surukon epmano og isaruk amuhupmu, iren e fam lenggaloko nombahalug nowabuhup-o. Nowatuk amuhupmu, ninggik henahanam welatlug niluksoho minduhup nahaku-o,’ ulug Aren bilin hurumbik yig hisarision etno hinindi ebetuk amiek-o,” ulug it malaikat etanowen yig isebag.

Lukas 9:44

“Hit Anden yig hisaminon etno hinapeleg am fug-o. An Allahen minduhup naharision it aphe ininggiken senoko og naplug laruk amuhup-o,”

1 Korintus 15:4

Waratuk apagma, At ebe o wikelma kolapfebag. Kolapfuruk apagma, inggik henahan welapareg, At Allahen wene holal balfahon Alkitab fam wereg etno ilitoho ilukepfebareg, minduhupfebag.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.