Lukas 9:19 - Allah Wene Hurumbik Keron

¹⁹ Yig isaruk apagma, eke it epmanowen yig ituk wilil, “It ninen, at Yohanes aphe ikma belap inaptukon etno waharuk ahareg, uruk-o. Eke it ninen, Eliaen uruk-o. Eke it ninen, it nabi ap amuk Allah wene yig isaruk apahon epmano misig iluk atisireg sil nuruk ulug uruk-o,” ulug yig epag.

Lukas 9:19 ပူးပေါင်းရင်းမြစ်များ

Matius 14:2

at osi ap suon suon epmano yig isaruk wilil, “At ap sukfuganggeroho suruk ari, at Yohanes aphe ikma belap inaptukon etno aphe warehon wereg ambe­hen iluk atlug minatisireg, ariroho suruk hihi-o,” ulug yig isebag.

Matius 3:1

At Yohanes aphe ikma belap inaptukon etno o Yudea limu aphe eleg ambeg epmano laruk apareg, Allah wene yig isaruk apag.

Markus 6:14

Fano inabil lebareg fam, At Yesus inuk etno o ahik ya da su atuk apagma, at inowe inuk suon Herodes etno inim-at esanggo holfag. Esanggo holtuk apareg, it ninen uruk wilil, “At ap sukfuganggeroho suruk ari, at Yohanes aphe ikma belap inaptukon etno aphe warehon wereg ambehen iluk atlug minatisireg, ariroho suruk haruk ahe-o,” ulug uruk apag.

Markus 6:15

Uruk apagma, eke it ninen, “Eleg-o, At ebe at Elia etno-at hehe-o,” ulug uruk apagma, eke it ninen, “Eleg-o, At ebe nabi ap Allah wene amuk yig isaruk apahon etno ilitoho-at yig isaruk hehe-o,”

Lukas 9:18

Eke fobik At Yesus etno akelegma lebareg sembahyang urukmu, it omini epmano At ambeg waharuk apagma, Aren yig isaruk wilil, “It aphe obog epmanowen An nebe farim sa ulug uruk-o?” ulug yig isebag.

Lukas 9:20

Yig ituk apagma, At etnowen yig isaruk wilil, “Eke hiren An sa ulug uruk ahep-o?” ulug yig isaruk apagma, at Petrus etnowen yig ituk wilil, “Hat hebe Kristus, At Allahen lahap nisa waharision etno-at hearuk ahe-o,” ulug yig epag.

Yohanes 1:21

it epmanowen yig ituk wilil, “Ari halug, hat hebe sa ilitoho welahen-o? At Elia ilitoho welahen ano?” ulug yig ituk apagma, at etnowen, “An at Elia ilitoho welahi fug-o,” ulug yig isaruk apagma, it epmanowen, “Halug, hat hebe at nabi ap At Allah ahurumbik yig isiog ulug waruhuon etno-at welahen ano?” ulug yig ituk apagma, at etnowen, “Eleg-o, an ap ehebon ari an fug-o,” ulug yig isaruk apagma,

Yohanes 1:25

“Hat hebe At Kristus inim, at Elia inim, at nabi waruhuon etno inim an it ilitoho welahi fug ulug ehenon oke, keroho ulug haren aphe ikma belap inaptuk ahen-o?” ulug yig epag.

Yohanes 7:40

Ariroho yig isaruk apagma, it aphe wonggalik wapahon nin epmanowen inesanggo holtuk apareg uruk wilil, “Ap nabi ap misig fobik waruhu ulug hurumbik yig nisebahon etno ebe du-at hehe-o,” ulug uruk apag.

Yohanes 9:17

Ariroho wilil, it Farisi ap etnowen ap etno fobik dahagsoho yig ituk wilil, “Hat nilanggen fenggenep nahakek ehen ari, haren At awene etno keroho yig nisamihin-o,” ulug yig ituk apagma, at etnowen yig isaruk wilil, “At ebe nabi ap Allah wene hurumbik yig isarukon-at hihi-o,” ulug yig isebag.