Lukas 8:54 - Allah Wene Hurumbik Keron

⁵⁴ Ahunda yatuk apagma, At etnowen hole etno inggik sen haruk wilil, “Hole du minamin-o,” ulug yig ituk apagma,

Lukas 8:54 ပူးပေါင်းရင်းမြစ်များ

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.

Yohanes 11:43

Yig ituk apareg, eke fobik une suon uruk wilil, “Lazarus wai, hat hebe minatlug wilik ma-o,” ulug uruk apagma,

Yohanes 5:21

Eke At Iknien it aphe warehon epmano iniluksoho minduhup isaruk etno hag, At Amloho etnowen it du inilukep isahuk ulug onggareg ahla buruk atlug-at inilukep isaruk-o.

Lukas 8:51

Yig ituk apareg, ap etno ibam wapag. Waharuk apareg, kiog ulug suruk wilil, selemen hit obog ninim kul fug-o, ulug yig isaruk apareg, it Petrus, Yohanes, Yakobus, etano inim, at hole etno ikni isina etano inim it etno-at ninim kulen-o, ulug yig isebag.

Markus 9:27

Waraha-o ulug urukmu, At Yesus etnowen inggik senoko minduhupfuruk apagma, minapag.

Markus 8:23

Yig ituk apagma, At Yesusen umen inggik senoko walug selema epmano lebag. Laruk apareg, ilanggenma wasup sup haruk wilil, ebe inggik seneg welapag. Senetuk apareg, yig ituk wilil, “Kidia yi angge di angge hilanggen hehen ano?” ulug yig epag.

Markus 1:31

Inggik senoko minduhupfuruk apagma, uk etno eleg apag. Eleg atuk apagma, at hwe etno iluk atuk apareg, it etano orom og isebag.

Matius 9:25

Ahunda yatuk apagma, it epmano muko wilip isebag. Wilip isaruk apareg, At Yesus hole warehon etno wereg ambeg kebag. Kuruk apareg, inggik senoko minduhupfebag.

Roma 4:17

Eke Alkitab etno fam yig nisaruk wilil, “It o ahik ya da yi aphe di aphe obog-at inikni neken welamag ulug minduhup haharikik-o,” ulug yig epag-o. Eke at Abraham Allah obam ebepahon etnowen og hisahuk ulug ebag ari demat og nisahu-o. Eke At Allahen it warehon inilukep iseheg, eke yi angge di angge inebe elehon epmano wereg amag ulug une yig iseheg suruk ulug ninahla buruk ahe-o.

Lukas 8:53

it obog epmanowen hole ebe demat warahaon heheg uruk-o, ulug iniluk wilil Yesus ahunda yapag.

Lukas 8:55

hole etno iluk atuk apareg, arat minapag. Minatuk apagma, At Yesusen, “Orom og imiek-o,” ulug yig isebag.