Lukas 8:48 - Allah Wene Hurumbik Keron

⁴⁸ At Yesusen yig ituk wilil, “Nahaloho-o, hat hindimu An nobam eberepfulug wahenteg fam fano ahen-o, nahaloho wa,” ulug yig ituk heheg,

Lukas 8:48 ပူးပေါင်းရင်းမြစ်များ

Matius 12:20

Aren it aphe findi korlorohon neken werehon epmano mondog yombuk suhu fug-o, eke it aphe hondok ambulpul dorat laharukon neken werehon epmano nangguk suhu fug-o. Eke fano surukon etno su amag ulug eyabuk etno suruk aruhumu, it yi aphe di aphe obohen,

Matius 8:13

Yig isaruk apareg, At Yesusen ap inowe etno yig ituk wilil, “Hibam lamihinmu, hindi eberehenon etno ilitoho-at seg arikonma hilanggen hamihin-o,” ulug yig ituk apagma, inowe anggimbu etno ari sambit-at fano apag.

Matius 9:2

Waharuk apagma, it ap ninen ap inggik iog oag mondog elehon etno e belaroho walug wapag. Walug waharuk apagma, At Yesus etnowen At obam eberepfulug walug waharuk enggag isaruk apareg, ap oag mondog elehon etno yig ituk wilil, “Namloho-o, hat hahientoho at welamin-o. Hat dag suruk atikinon epmano sohorep isalug, hobam hapelegsoho napma hombahiki-o,” ulug yig ituk apagma,

Matius 9:22

Sen haruk apagma, At Yesus etno olohore dahagsoho ilanggen kolap haruk wilil, “Nahaloho-o, hat hahientoho welamin-o. Hat An nobam eberehen etno fam, hebe fano ahen-o,” ulug yig ituk apagma, ebe arat fano apag.

Markus 5:34

Yig itug apagma, At etnowen yig ituk wilil, “Nahaloho-o, hat hindimu An nobam eberepfulug wahenteg fam fano ahen-o. Arat fano ahenteg fam, uk ari hobam aruhu fug-o, nahaloho wa,” ulug yig ituk heheg,

Lukas 17:19

eke fobik inim yig ituk wilil, “Hat hebe minatuk apmihinteg lamihin-o. Hebe hindimuen demat ulug ebetuk ahenteg fam, fano ahen ari lamihin-o,” ulug yig epag.

Lukas 18:42

Yig ituk apagma, eke At Yesusen yig ituk wilil, “Hilanggen fenggen amin-o. Hat an fano nabukag ulug nobam ebetuk ahen etno fam fanorep hahaki-o,” ulug yig ituk apagma,

Lukas 7:50

At Yesusen hwe etno yig ituk wilil, “Hat hindi Allah obam ebetuk ahen etno fam hebe hili holehen ari fanoroho hibam lamihin-o,” ulug yig epag.

Lukas 8:47

at hwe etnowen ahla buruk wilil, an senerihion etno ilanggen neyehek ulug ahla buruk apareg, elekelek suruk wilil At ambeg waharuk apareg, it aphe obog inil fam indibahal yungguksoho yin apag. Yin atuk apareg, selegmaroho yig ituk wilil, “An uk wareg wilil, Hat ninggik sen hiyihimu, uk etno fano ahi-o,” ulug yig ituk apagma,

Kisah Para Rasul 14:9

Esanggo holtuk apareg, at etnowen niog fano nabukag ulug wene etno eberoko waruk apagma, at Paulus etnowen aren baltuk apareg, ilanggen fikfag wenaharuk apag.

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

Ibrani 4:2

Eke bilin it Israel aphe Allah wene inesanggo holtuk apag etno hag, nit wene fano wene etno ninesanggo holtukuk-o. Eke iren wene etno inesanggo holtuk apareg oke, eberoko webag fug etno fam, wene yig isarukon-at oke, inindi mot apag fug-o.