Lukas 8:28 - Allah Wene Hurumbik Keron

²⁸ Epmano wilil, At Yesus etno ilanggen haruk apareg, uruk wilil ut wanduksoho Yesus ambeg etano ying atuk apareg, une suon yig ituk wilil, “Hat Yesus Allah boholmon Amloho wai. Hat keroho dag seko nombahiog ulug buruk ahen-o? Haren an nowabuk nowen ulug yig hirihi-o,” ulug yig epag.

Lukas 8:28 ပူးပေါင်းရင်းမြစ်များ

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Lukas 8:27

At ap etno bikalem anggolo asum wanteg eleg wilil, uma welam amberaken, it ap warehon imbisaruk ambeg epmano-at welapag.

Lukas 8:29

Ariroho yig epag ari, At Yesusen at ap setan indimu kebahon etno, “Hat setan ap du indimu welahenon etno wilip amin-o,” ulug yig ituk apagma, ariroho ebag. Eke o nintul nantul it setan epmanowen at ap etno indimu oag werehap surukmu, it ninen inggik inim, iog inim bisuemanggen fam hele watuk apahon oke, hele etno fil haruk apagma, it setanen walug, o limu aphe eleg ambeg epmano imbik lebag.

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.

2 Petrus 2:4

Eke o amuk it malaikat dahon epmano At Allah sohorep isalug, inakeleg lebahon etno At Allahen fobik oag del inabuhuken ulug hele waroko o dagma imbisebag-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Wahyu 20:10

Ariroho war inaptuk atisi­reg, at iblis enggal wene urukon etno o hondok olokma hik hari­si-o. Hik haruk atisimu, at iblis etno inim, at walo suon etno inim, at nabi enggal wene yig isarukon etno inim o hondok olok­ma weregma, it etano nintul nantul hondoken inaruk aruhu-o.