Lukas 7:37 - Allah Wene Hurumbik Keron

³⁷ Horie uruk apareg weregma, eke o epmano hwe dag surukon misig wilil, At Yesus etno ap Farisi ap inim orom naruk-o, ulug esanggo holtuk apareg, e anggen ambusu amben fanowon misig sohorluk fam honanggoko werehon etno onggo balfag.

Lukas 7:37 ပူးပေါင်းရင်းမြစ်များ

Matius 21:31

Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Lukas 18:13

Sembahyang uruk apagma, eke at ap uang onggo kino urukon etno hag ebe yatma neken wilil, olohore boholma lahap am akolen olohore kweanma wanduksoho wilil, inggiken indi kik haruk apareg, yig ituk wilil, ‘Nikni-o, an dag-at suruk ahionen yig hituk ahi du, hahmu niyimin-o, Allah wai,’ ulug yig epag-o.

Lukas 19:7

Heahi watukmu, it aphe obog inilanggen haruk apareg, inune fog fog uruk wilil, “Udag dia, At Yesus etno ap dag surukon etno inim welamuog ulug suruk-o,” ulug uruk apag.

Lukas 5:30

Inim horieg weregma, it Farisi ap nin inim, it wene baleg unde epmano inomini nin inimen inilanggen isaruk apareg, At Yesus omini epmano yig isaruk wilil, “It uang onggo kino urukon inim, it dag surukon inim hit keroho ulug hinim-at orom naruk ahep-o?” ulug hinog waruk apagma,

Lukas 5:32

Eke it ap inindi yuhun-at werehon halug inayonggo imbiog ulug An waharikik fug-o. It dag surukon halug inindi werehep isaruk wilil inayonggo imbiog ulug waharikik-o,” ulug yig isebag.

Lukas 7:34

Eke An Allahen minduhup naharision etno waharikikseg, ik inim orom inim naruk wilil weregma, hiren, ‘Ap du bik himiek-o,’ eke At ebe etno it ap uang onggo kino urukon epmano inim, eke it dag surukon epmano inim inomin wilil, orom inim, ik anggur ambusu etno inim inahumsoho naruk-o, ulug irikip-o.

Lukas 7:36

Eke fobik at Farisi ap misihen At Yesus etno orom ninim nulen ulug yig ituk apagma, At Yesus etno inim ibam kuruk apareg, orom nuog ulug horie ebag.

Yohanes 11:2

Eke at hwe Maria At Ninowe iog fam ambusu amben fanowon etno delepfuruk apareg, at iruk fam ho sebahon etno owe Lazarus uk wareg welapag.

Yohanes 9:24

Yig isaruk apagma, it etnowen ininggik birenam at ap isina ahlen ilanggen buhon endag apahon etno ma ulug wol haruk apareg yig ituk wilil, “Hat At Allah il fam demat ihi ulug in-o. Ap hat fano habehekon ari obabut dag surukon nit niniluk-o,” ulug yig epag.

Yohanes 9:31

Eke At Allahen it dag surukon etno inune esanggo holtuk eleg ari niniluk-o. Eke it yi aphe di aphe etno At une inesanggo holtuk wilil, Aren duroho sukag ulug ahla burukon etno ilitoho suruk isalug, Aren it inune esanggo holtuk-o.

Roma 5:8

eke At Kristus nit dag suruk nisalug, ninake warapag ari, At Allah ninebe mondog indi hunduhuk wereg ulug selegma apag-o.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

1 Timotius 1:9

Eke wene duroho suruk amuk eke duroho suruk am fug ulug ebahon etno it aphe fano surukon epmanowen fano suruk amag ulug yig isebag fug-o. Ari it dag surukon inim, eke it dahan fahan surukon inim, eke iniknisi inisasi war inaptukon etno inim, eke it ap watukon etno inim,

1 Petrus 4:18

Eke hit hag Alkitab fam wene holal embebahon du hiniluk-o, it fano surukon etno hag, inili werlek-at wahu-o. Eke it dag suruk wilil, Allah inuk inapalehon epmano hag inili wahu fug-o, ulug wene holal embebahon etno hiniluk wilil,