Lukas 7:33 - Allah Wene Hurumbik Keron

³³ Eke at Yohanes ikma belap inaptukon etno waharisireg, orom inim, ik anggur etno inim nenggeg eleg weregma, hiren, ‘At ebe ap nenekon at-o,’ ulug uruk atikip-o.

Lukas 7:33 ပူးပေါင်းရင်းမြစ်များ

Matius 10:25

Ari halug, it yig isarukon epmanowen an at ninowe yanggul nisarukon ilitoho welam nindi-o, ulug uruk am ari fa­no-o. Eke it anggimbu etnowen an nebe at ninikni ilitoho welam nindi-o, ulug uruk am ari fano at-o. Eke it inowe ari inuk Beelzebul-o ulug soaltuk isalug, at udaki ininuk da­hon-at soal inabuhu-o,” ulug At Yesusen yig isebag.

Matius 3:1

At Yohanes aphe ikma belap inaptukon etno o Yudea limu aphe eleg ambeg epmano laruk apareg, Allah wene yig isaruk apag.

Matius 3:4

Ariroho holal embebareg fam, eke fobik at Yohanes etno wam unta iruk wisaloko sum yiko wanteg welapag. Ariroho wilil, wam ahap deno­ko serlog yihebag eke bulue inim, kin ambusu inim naruk apag.

Markus 1:6

At Yohanes etno wam unta iruk fam sum yiko wanteg wilil, eke wam ahap fam serlog wanteg welapag. Ariroho wanteg wilil, bulue, kin ambusu inim naruk apag.

Lukas 1:15

Eke at ebe Allah il fam ap suon-at welaruhu-o. Ariroho wilil, e anggen ambusu nenek surukon etno nenggeg eleg-at welaruhu-o. Ari at endohoma, At Roh Kudus at indimu-at welaruhu-o.

Lukas 7:32

Hit hinebe etno udag doron o silimu inambik aptuk etno ilitoho welahep-o. Eke it udag doron ninen uruk wilil, ‘Niren di eheon oke, hit hinahientoho yunggu lehep fug-o. Eke nit ioba yarehon oke, hit yarehep fug-o,’ ulug it udag doronen uruk etno hit ilitoho welahep-o.

Lukas 7:34

Eke An Allahen minduhup naharision etno waharikikseg, ik inim orom inim naruk wilil weregma, hiren, ‘Ap du bik himiek-o,’ eke At ebe etno it ap uang onggo kino urukon epmano inim, eke it dag surukon epmano inim inomin wilil, orom inim, ik anggur ambusu etno inim inahumsoho naruk-o, ulug irikip-o.

Yohanes 10:20

Ariroho wilil, it ninen, “Ap du setan indimu wilil, nenek neken urukon du keroho ulug At une holtuk ahep-o,” ulug uruk apagma, eke it ninen, “Eleg-o, At setan indimu welatlepmen, wene ariroho elep fug-o.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Kisah Para Rasul 2:13

it ninen, “Eleg-o, ambusu nenek surukon etno nenggesareg,” uruk-o, ulug it Yesus omini epmano inahunda yatuk apag.