Lukas 7:29 - Allah Wene Hurumbik Keron

²⁹ Yig isaruk apareg weregma, it aphe obog inim, eke it ap uang onggo kino urukon epmano inim, it obog-at At Allahen bilin inesanggo wapahon epmano holtuk apagma, at Yohanesen ikma belap inapag.

Lukas 7:29 ပူးပေါင်းရင်းမြစ်များ

Matius 5:46

Eke it inindi hat hobam hunduhuk werehon etno-at hindi hundu­huk welahen halug ari, At Alla­hen onggo nongge og num fano behen-o? It kwalem onggo warukon etno ilito­ho-at suruk-o.

Lukas 20:6

Eke niren apheyen yig itision fam ikma belap inaptisi ulug yig ituk nisalug, it aphe obohen at Yohanes ari nabi ap Allah wene yig nisarukon demat hehe-o, ulug inindi ebetuk etno fam, helep fam ninusukon-o,” ulug ebag.

Lukas 3:12

Inesanggo watuk apagma, it ap uang onggo kino urukon epmano ikma belap ninabukag ulug ambeg waharuk apareg, it epmanowen yig ituk wilil, “Ninowe yanggul nisarukon wai, nit keroho suk-o?” ulug yig ituk apagma,

Lukas 7:28

at Yohanes it aphe obog inowe neken wereg oke, it aphe At Allah weregmen sukon wene inesanggo holtukon epmano inapma neken wereg-o. Ariroho weregma, An demat yig hisaruk ahi-o,” ulug At Yesusen yig isebag.

Lukas 7:35

Ariroho irikibon oke, eke it obog Allah wene eberoko warukon epmanowen demat ulug uruk-o,” ulug At Yesusen yig isebag.

Kisah Para Rasul 18:25

At Yesusen sebahon epmano yig ituk atusama, fikfag eberoko waruk atisireg, indi ahientoho wilil, At Yesusen sebahon epmano yig isaruk atisi. Ariroho yig isaruk wilil, eke at Yohanesen ikma belap inaptuk apahon epmano-at iluk welatisi.

Kisah Para Rasul 19:3

Yig ituk atusama, at Paulus etnowen it epmano yig isaruk wilil, “Ari halug, hit at sa inuk fam ikma belap hinaptusa-o?” ulug yig isaruk atisimu, it epmanowen yig ituk wilil, “Nit at Yohanesen bilin ikma belap inaptuk apag etno hag, ikma belap ninaptusa-o,” ulug yig itusa.

Roma 10:3

Eke At Allahen alem dahon ninobam werehon epmano elehep nisahalug At ninim dambuk ninabukon etno inapeleg wilil, inonggarehen-at inim dambuluhuken ulug suruk-o. Eke ariroho suruk ari, At Allahen ninim dambuk ninabukon etno apma seberoho welam inambit-o.

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 16:5

Ariroho ik il dag atisimu, at malaikat ik unde werehon etnowen uruk wilil, “Nikni hitog mondog welahenon duen aphe ariroho dahon etno inobam umburuk ahen ari fano suruk ahen-o.