Lukas 6:49 - Allah Wene Hurumbik Keron

⁴⁹ Nin eke it apheyen An nune du inesanggo holtuk oke, inindimuen ilitoho suk ulug ebetuk elehon epmano at ap urunanggeroho ibam falfahon etno neken wereg-o. At ap etno ibam falsiog ulug o wut atog helep fam umbuk sohorep isalug, yuhun-at kwean fam belapag-o. Ariroho belapfuruk apagma, ikmuk waharuk wilil, ibam etno sahaloko walug liog ulug suruk apareg, fobik mondog sahaloko walug lebag-o,” ulug At Yesusen yig isebag.

Lukas 6:49 ပူးပေါင်းရင်းမြစ်များ

Matius 23:3

Ariroho minduhup isebag halug hit iren ariroho siuk ulug yig hisarukon epmano-at hinesanggo holtuk wilil, ilitoho suruk amiek-o. Eke iren duroho siuk ulug yig hisaru­kon epmano inonggarehen ilitoho suruk eleg isalug, hit iren surukon epmano ilitoho suk fug-o.

Matius 24:10

Eke o ari sambit it aphe nin inindi demat ulug ebebuhubon epmano sohorep isahup-o. Sohorep isaruk amuhupseg, irit at misihen at misig hele wabukag ulug abug baleheg, eke at misihen at misig hele wabukag ulug abug baleheg, eke irit nambit hambit eheg suruk amuhup-o.

Markus 4:17

Ariroho waruk wilil oke, fobik inindimu omanggen yatuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o, ulug sohorep iseheg suruk-o.

Lukas 12:47

At anggimbu etno oweyen fikfag sukag ulug yanggul itukon oke, ilitoho seheg eleg, o aso fanoroho welaheg eleg suruk halug, yikangge anggolo waruhu-o.

Lukas 19:14

Yig isaruk apagma, it anggimbu epmanowen inambit haruk apareg, fobik at etno ombolim mutlug ayonggo lahap isaruk wilil, ‘Ap du ninowe suon welam ninambit-o,’ ulug uruk apag-o.

Lukas 19:27

Eke misig ari, amuk it ninim healeg welatukukon epmanowen ap du nit ninowe welam ninambit-o, ulug uruson epmano inebe og inaplug an wereg ambeg dumen war inabiuk-o,’ ” ulug yig isebahon etno At Yesusen it obog yig isaruk apag.

Lukas 6:46

Eke fobik At Yesusen yig isaruk wilil, “Hiren Ninowe, Ninowe yig nituk ahebon oke, eke Anden yig hisaruk ahion etno ilitoho suruk ahep fug du, keroho ulug suruk ahep-o?

Lukas 6:48

It epmano at ap ibam falsarukon etno ilitoho wereg-o. Eke at ap etno ibam falsiog ulug kwean sega fam ele balepfuruk apareg, o wut etno atog helep fam imbik ambebareg falfag-o. Ariroho falepataruk apagma, ikmuk waharuk wilil, ibam etno sahaloko walug liog ulug suruk apagma, eke ibam etno helep fam oag weregsoho falfahon etno sahaloko walug lebag fug-o.

Lukas 7:1

Eke fobik At Yesusen yi wene di wene obog it aphe epmano yig isaruk apareg, o Kapernaum wapag.

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Kisah Para Rasul 20:29

Eke fobik an sohorep hisahalug lahukmu, it aphe nin wam eli neken hinindi kahaluog ulug hinambeg wamuhupseg, it aphe Allah udakion epmano inindi kahalik wamuhup-o.

Kisah Para Rasul 26:11

Yig isaruk atikikseg, eke fobik it o Allah wene uruk ambeg etno kuruk atikikseg, iren Yesus wene ninambit ukag ulug yikangge anggolo waroko wilip isarikik. Wilip isaruk atikikseg, eke fobik mondog nasine atuken o yatma inim heako war inabil nuruk atikik,” ulug at Paulus etnowen yig isarisi.

1 Tesalonika 3:5

Eke anden it o Tesalonika epma Allah wene warukon etno keroho waruk ulug nahla buruk wilil, at Timotius etno hinambeg lahapfik waharikik-o. Eke at iblisen hinindi kahalik waharukmu, niren hinindi yabuk surukukon etno eleg atisi ano ulug nahla buruk wilil, at Timotius lahapfik waharikik-o.

2 Petrus 2:20

Eke at ap misig o kweanmen surukon etno sohorep isalug, At Ninowe Yesus Kristus une urukon esanggo holtug halug, fobiken iog suhuluk kwalem dahon etno laruk wilil, dahon etno obam ombataruk-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.