Lukas 6:47 - Allah Wene Hurumbik Keron

⁴⁷ It obog nambeg waharuk wilil, An nune du inesanggo holtuk atlug ilitoho-at surukon epmano inawene du ilitoho neken yig hisaruk ahi-o.

Lukas 6:47 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 17:5

ulug awan yig ituk heheg, hena wikal neken lahaptukon etno sebe inapag.

Lukas 11:28

At Yesusen yig ituk wilil, “Eleg-o, it Allah wene inesanggo holtug ilitoho surukon ari it-at fano wereg-o,” ulug esanggo wapag.

Lukas 14:26

“Hit An nomini welamuog ulug hiniknisi inim, hinisasi inim, eke hinuhwesi inim, hinudaki inim, hinowe not inim, hinaholani inim, sohorep isalug, hit hinebe An mug naplug maniek-o.

Lukas 6:48

It epmano at ap ibam falsarukon etno ilitoho wereg-o. Eke at ap etno ibam falsiog ulug kwean sega fam ele balepfuruk apareg, o wut etno atog helep fam imbik ambebareg falfag-o. Ariroho falepataruk apagma, ikmuk waharuk wilil, ibam etno sahaloko walug liog ulug suruk apagma, eke ibam etno helep fam oag weregsoho falfahon etno sahaloko walug lebag fug-o.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Lukas 8:8

Eke i misig kwean sinon fam kililepfebahon etno unggum lahabareg, su apag-o. Su atuk apareg, anggen seratus yihebag-o,” ulug yig isaruk apareg, eke fobik yig isaruk wilil, “Eke hinesanggo wereg halug, fanoroho holtuk amiek-o,” ulug yig isebag.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 13:17

ulug Anden wene demat uruk amon etno yig hisaruk ahimu, arat hiniluk aha-o. Hit yig hisihion etno hiniluk wilil, ilitoho suruk amuhup fam hinahien hahup-o.

Yohanes 14:15

Eke fobik At Yesusen yig isaruk wilil, “Hiren An nebe hinindi hunduhuk welahep halug, An nawene etno hiniluk wilil, ilitoho suruk amuhup-o.

Yohanes 5:40

hiniluk welamon etno holawon oke, An nambeg wamon hinambit-o,” ulug yig isebag.

Yohanes 6:35

Yig ituk apagma, At Yesusen yig isaruk wilil, “Orom roti ebe iniluk inaptukon ari An nebe at-o. Ari halug, it aphe obog An nambeg watlug nobam ebetukon epmano ik inim, orom roti inim obok hahup fug-o,” ulug yig isebag.

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Ibrani 5:9

lluk atuk apagma, At ebe it yi aphe di aphe obog-at yanggul isarukon welamag ulug minduhupfebareg fam, it yi aphe di aphe At une inesanggo holtuk isalug, inilioko iniluk welamon etno-at og isaruk amag ulug inggikmu embebag-o.

Yakobus 4:17

Eke ap misig fanoroho sukon etno iluk wilil oke, ilitoho suruk eleg halug ari, dag-at suruk-o, ulug hinahla buruk wilil, hinesanggo fanoroho holtuk amiek-o.

1 Petrus 2:4

Hit At Yesus ambeg-at laruk amiek-o. It apheyen At ebe ninambit-o, ulug weregma, At Allahen o wut oag suon neken imbirisi-o.

2 Petrus 1:10

Ari halug nomini-o, nintul nantul At Allahen-at wol ninaptisireg fuloko ninombisaharisi-o, ulug hinahla ebetuk amuhup-o. Ebetuk amuhupseg, hit bule ambulug wataruk etno hag wateheg eleg wilil, At Allah weregma kuruk amuhupseg, At Yesus Kristus udaki atlug mondog hinim welamuhup-o.

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 3:7

Nomini-o, at misihen hinindi kahaluk nowen-o. At Kristus obabut fano wereg etno hag, eke at misihen fano suruk halug, obabut fano wereg-o.

Wahyu 22:14

Ariroho irision etno fobik uruk wilil, “It inasum ho sarukon epmano fobik e iniluk welamon etno anggen naruk amuhup­seg, inahien haruk wilil, kembatke etnowen o keron etno kuhup-o.