Lukas 6:37 - Allah Wene Hurumbik Keron

³⁷ At Yesusen yig isaruk wilil, “At Allahen hinabug baluk nowen eke hiren aphe inabug baluk fug-o. Eke At Allahen oag del hinabuk nowen, hiren aphe oag del inabuk fug-o. Eke At Allahen hit dag sirikibon epmano hinobam hinapalegsoho apma hinombisahukag ulug, eke hiren it nin dag surukon epmano inobam inapelegsoho hinapma imbisaruk amiek-o.

Lukas 6:37 ပူးပေါင်းရင်းမြစ်များ

Matius 18:30

Yig epahon oke, at ap etnowen ambit haruk apareg, omin etno onggo dulum og nemag ulug ahla buruk wilil, ebe hele waroko walug aphe dahon hele waroko imbisaruk ambeg epmano kolapfebag.

Matius 5:7

Eke hit it aphe nin inabua isaruk ahebon halug, wa. At Allahen hinabua hisahu-o.

Markus 11:25

Eke hit minatlug sembahyang uruk wilil, hit dag suruk ahebon epmano Hinikni boholma werehon etnowen hinobam hinapelegsoho apma hinombisahukag ulug, hiren ap du nambit-o, ulug hinim healeg welahebon etno, obam apelegsoho hinapma umburuk amuk-o,” ulug yig isebag.

Lukas 23:16

ebe yikangge akeleg-at waroko sohorep isamin-o,” ulug yig isebag.

Lukas 6:36

Eke At Allahen it inindi elehon inim, it dag surukon inim-at inabua isaruk etno hit hiniluk-o. Ari halug, At Hiniknien inabua isaruk etno hag, hiren ariroho-at inabua isaruk amiek-o,” ulug At Yesusen yig isebag.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Efesus 4:32

Dag surukon obog sohorep isalug, hit hit hinune fanoroho eheg, eke nabua habua seheg, eke At Allahen At Kristus inuk fam hiren dag suruk atikibon epmano hinapelegsoho apma hinombisaharisi etno hag, hiren dag suruk ahebon epmano at misihen at misig dag surukon etno obam apelegsoho sohorep isalug apma embeheg suruk amiek-o.

Kolose 3:13

Eke hit winimug abeheg eleg wilil, hinomini yalmag inaptuk amiek-o. Eke At Allahen hit dag suruk atikibon epmano hinapelegsoho apma hinombisaharisi halug, hit ariroho hinebe healeg neken welam fug-o.

Yakobus 2:13

Eke ap misihen aphe inabua isaruk elehon halug, At Allahen abua hahu fug-o. Eke inabua isarukon halug, At Allahen abua hahu-o.

Yakobus 5:9

Eke hit hinebe epmano At Allahen oag deloko o dagma hinombisahuk nowen, winimug abeheg eleg-at welamiek-o. Fobik ninaren baluhuon etno horog fanggog ik wariog ulug suruk-o, nomini.