Lukas 6:27 - Allah Wene Hurumbik Keron

²⁷ Yig isaruk apareg, At Yesusen yig isaruk wilil, “Hit An nune holtuk ahebon epmano yig hisamin-o. It ap hinim healeg welahebon halug, hinim hunduhuk-at welamuk-o. Eke iren hit hinebe inamberak neken hisarukon halug, hit hinahien inobam umburuk amuk-o.

Lukas 6:27 ပူးပေါင်းရင်းမြစ်များ

Markus 4:24

“Wene yig hisihion ari, hinesanggo fanoroho holtuk amiek-o. Hiren og isaruk ahep etno hag, Aren ilitoho-at og hisahu-o. Eke hit hinesanggo holtuk ahebon etno hag og hisaruk aruhureg, eke fobik obam seberoho og hisahu-o.

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Lukas 6:35

It hinim healeg welahebon epmano hinim hinindi hunduhuk welamiek-o. Ariroho wilil, elamna-at og isaruk sohorep isalug, mondog-at og isaruk amiek-o. Ariroho suruk hisalug, At Hinikni suon Allah etnowen onggo suon fanowon-at og isarukmu, hinebe At udaki-at welamuhup-o.

Lukas 8:15

Eke i angge kwean sinon fam kililtil lebag etno hag, ari it aphe wene etno inesanggo holtug inindi fanoroho ebereheg, eke anggen yihukag ulug amug wareheg suruk-o,” ulug At Yesusen yig isebag.

Lukas 8:18

Ari halug, hinesanggo fanoroho holtuk amiek-o. Ap misig aren angge dot wereg halug ari obam seberoho og iruhu-o. Eke aren angge eleg halug ari an naharek dorat wereg ulug ahla burukon oke, aharek dorat etno diloko neken wahu-o,” ulug yig isebag.

Lukas 8:8

Eke i misig kwean sinon fam kililepfebahon etno unggum lahabareg, su apag-o. Su atuk apareg, anggen seratus yihebag-o,” ulug yig isaruk apareg, eke fobik yig isaruk wilil, “Eke hinesanggo wereg halug, fanoroho holtuk amiek-o,” ulug yig isebag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 16:28

at Paulusen une suon yig ituk wilil, “Hat honggarehen wata fug-o. Nit ninebe obog duma welahe-o,” ulug yig ituk atisimu,

Kisah Para Rasul 7:60

indibahal yungguksoho une suon uruk wilil, “Nowe-o, it ap an nowatukon du inapelegsoho hapma imbisin-o,” ulug yig ituk apareg, warapag.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

1 Tesalonika 5:15

Eke at ap misig dag suruk halug, onggo dahon-at obam embeheg suruk am fug-o. Eke it hinomini inim, it aphe obog inim, nintul nantul fano inabuog ulug suruk amuk-o.

3 Yohanes 1:11

Nomin-o, it dag sil nurukon epmano inahengga senebuk fug-o. Fano sil nurukon epmano halug, inahengga seneriuk-o. Fanoroho surukon halug At Allahen angge-at wereg-o. Dag surukon halug, At Allah apeleg-at wereg-o.