Lukas 6:24 - Allah Wene Hurumbik Keron

²⁴ Eke hit kidia hinaharek anggolo werehon halug, eleg aruhu ari, hinabua-o.

Lukas 6:24 ပူးပေါင်းရင်းမြစ်များ

Matius 6:16

At Yesusen yig isaruk wilil, “Hit orom nenggeg eleg wilil bok welamuog ulug suruk ahep ari, it nin inindi inenggal neken werehon epmanowen suruk hag hit suk fug-o. It epmano orom nenggeg eleg wilil, bok welamuog ulug suruk ari, apheyen ini­langgen nisawag ulug inolohore dag atuk-o. Ari halug, onggo fanowon etno fobik og isahu fug-o, ulug An demat yig hisaruk ahi-o.

Matius 6:2

Eke it aphe inaharek elehon epmano dorat og isaruk wilil, hini­nuk suontepfukag ulug binggon une uk fug-o. Eke it inindi demat ulug ebetuk elehon epmano nininuk suontepfukag ulug o Allah wene uruk ambeg epmano inim, kwalema apheyen onggo anggolo hundutuk ambeg epmano inim ariroho suruk-o. It ariroho surukon epmano onggo fanowon etno og isahu fug-o, ulug An demat yig hisaruk ahi-o.

Matius 6:5

At Yesusen yig isaruk wilil, “Hit sembahyang uruk wilil, it aphe inindi demat ulug ebetuk elehon etno ilitoho welam fug-o. It epmano sembahyang o Allah wene uruk ambeg inim, eke kwalem handohalma inim sembahy­ang yaron uruk am inindi-o. It apheyen inilanggen nisawag ulug­-at sembahyang uruk-o. Ari halug onggo fanowon etno og isahu fug-o, ulug An demat yig hisaruk ahi-o.

Lukas 6:25

Eke hit kidia hinaharom anggolo werehon halug, fobik obok hahup ari, hinabua-o. Eke hit kidia inahunda yatuk ahebon halug, yiyi uruk wilil, ioba yatuk amuhup ari, hinabua-o.

1 Timotius 6:17

Eke it inaharek kweanmon yi angge di angge anggolo werehon halug, inindi suontepataruk wilil ninaharek epmano fam fano welaruhuk-o ulug uk nowen ulug yig isimin-o. Eke nit ninahien hawag ulug At Allah yi angge di angge anggolo og nisarukon etnowen-at fano ninabuhu-o ulug uruk amagsoho yig isimin-o.

Yakobus 2:6

Eke hiren it inaharek elehon epmano apmarep isaruk ahep ari hai-o. Hinobam inune dahon umburukon ari it inaharek werehon epmanowen-at hinobam denggeltuk etno hinapelehen suruk ahep ano?