Eke hiren it Yahudi ap inim, it Yahudi wene inapelehon epmano inim wene fano wene etno yig isaruk hisalug, An ninuk waruk amuhup etno fam og hinaplug it yi ap di ap inowesi suon epmano inambeg hinombisahik lahup-o.
At Yesaya etnowen bilin ahurumbik yig isaruk apagma, fobik it Yahudi ap inowesi epmano ninen At Yesus obam ebetuk apahon oke, o Allah wene uruk ambeg epmanowen wilip nisahuk nowen ulug, it Farisi ap epmano inakol isaruk wilil, At Yesus awene etno selegma eheg eleg-at welapag.
Eke Anden Hat hawene etno yig isaruk nealug, it ap kweanmon Hat hawene waruk elehon epmanowen inambit hun inaptusa-o. Eke An nebe ap o kweanma dumon neken welahi fug etno hag, it inebe o kweanma dumon neken wereg eleg isalug, it aphe kweanmon nin epmanowen inambit hun inaptusa-o.
Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.
Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.