Lukas 6:20 - Allah Wene Hurumbik Keron

²⁰ Eke fobik At Yesusen omini epmano yet isaruk apareg, yig isaruk wilil, “Hit kidia hinaharek elehon halug, wa. At Allah weregmen hiren angge ulug og hisahu-o.

Lukas 6:20 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 5:1

Nin eke At Yesus it aphe obog wonggalfahon epmano yet isaruk apareg, bunu misig fam lahabag. Laharuk apareg, horie uruk apagma, At omini epmano ambeg wapag.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 13:28

Eke fobik it Abraham, Ishak, Yakub inim, eke it nabi ap obog inim At Allah ibam weregma hinilanggen isaruk amuhupseg, nit at selema welahe-o, ulug ioba yatuk wilil hinayeg kilit matuk amuhup-o.

Lukas 14:15

Yig isaruk apagma, ap misig inim esoho narukon etno esanggo holtuk apareg, At Yesus yig ituk wilil, “It At Allah weregma esoho nuog ulug horie uhubon epmano ahien inobam umbuhu hihi-o,” ulug yig epag.

Lukas 16:25

at Abraham etnowen yig ituk wilil, ‘Namloho-o, hat hiluk wilil, yi angge di angge fanowon epmano obog seneg wereg heyeheg, at Lazarus yi angge di angge dahon obam welatisi etno hag, kidia hat o hondok olokma wereg heyeheg, at Lazarus duma wilil, ahientoho ninim welahe ari hindi eberin-o.

Lukas 4:18

“An Allah Ahurangge ninim welahe-o. Ninim wilil, Aren aphe inaharek elehon epmano wene fano wene etno yig isawag ulug minduhup naharuk wilil, ambusu amben fanowon etno nobam deltisi-o.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Korintus 8:2

Eke it epmano inindi kahaluog ulug dahon anggolo inobam umburuson oke, inahien anggolo haruk wilil, Allah ake ulug yi angge di angge anggolo umburusa-o. Ariroho umburusa ari, it inaharek dorat werehon oke,

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

Yakobus 1:12

Eke ap misig yi angge di angge dahon obam umburuk isalug, ahien hawag-o. Eke yi angge di angge dahon obam umburukon oke, indi oag weregsoho wereg halug, At Allahen niniluk welamon At udaki og isahuk ulug abug yig nisebahon etno og iruhu-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

Wahyu 2:9

Eke kweanmen hina­harek dorat wilil, boholmen hinaharek anggolo welahep etno niluk-o. Eke it nin iblis udaki wilil oke, nit Yahudi ap wela­he-o, ulug inenggal-at yig hisarusareg, inune dahon hinobam umburusa etno niluk-o.