Lukas 6:14 - Allah Wene Hurumbik Keron

¹⁴ Minduhup isebahon ari, misig inuk Simon, fobik inuk Petrus soalfahon etno inim, eke at ot Andreas etno inim, Yohanes inim, Yakobus inim, Filipus inim, Bartolomeus inim,

Lukas 6:14 ပူးပေါင်းရင်းမြစ်များ

Matius 10:2

it ap wol isebahon epmano ini­nuk Simon, inuk misig Petrus soalfahon etno inim, at ot Andreas etno inim, at Zebedeus udaki Yakobus, ot Yohanes etano inim,

Matius 10:3

eke it Filipus, Bartolomeus etno inim, eke it Tomas, Matius uang onggo kino urukon etno inim, at Alfeus amloho Yakobus etno inim, eke Tadeus etno inim,

Matius 4:18

Eke fobik At Yesus ik Galilea ayegma laruk wilil, at Simon inuk misig Petrus etno, ot Andreas inimen werul etno ikma belaptukmu ilanggen yet isebag. It etano ikan watukon welapag.

Matius 4:21

Inim laruk apag, eke it Yakobus, ot Yohanes inim, inikni Zebedeus etno inim ikma so fam horieg weregma, it inawerul etno seleben surukmu ilanggen yet iseba­reg, wol isebag.

Markus 1:19

Horog-at laruk apareg, at Yakobus, ot Yohanes, inikni Zebedeus etno inim ikma so fam epmanowen werul ikan watukon etno libil apagma, seleben surukmu ilanggen yet isebag.

Markus 1:29

Eke fobik it Yahudi ap wene uruk ambeg epmanowen wilip atuk apareg, epmanowen bikit at Petrus owe etno it Simon, Andreas inibam etno uk wareg weregma, it Yohanes, Yakobus etano inim kebag.

Markus 14:33

Yig isaruk apareg, it Petrus, Yakobus; Yohanes etano hag inim lebag. Laruk apareg, At etno indi dag atuk wilil, akol anggolo hebag.

Markus 3:16

It inebe heako imbisebahon etano, at Simon, inuk fobik Petrus soalfahon etno inim,

Markus 5:37

Yig ituk apareg, it Petrus inim, Yakobus inim, Yohanes Yakobus ot etno inim, “It ari hag An ninim lul-o,” ulug yig isaruk apareg, At Yesus inim lebag.

Markus 9:2

Eke fobik, ininggik enggalimen angge welapareg, At Yesusen it Petrus, Yohanes, Yakobus etano og inaplug o bunumu aphe eleg ambeg epmano inakeleg-at lahabag. Laharuk apareg, epmano inim wilil, At olohore akeleg neken seg apag.

Lukas 5:10

Fog suruk apagma, At Yesusen Simon etno yig ituk wilil, “Hat hakol ha fug-o. Hiren ikan anggolo warehen epmano hag aphe sen inabil lahup-o,” ulug yig epag,

Lukas 5:8

Eke ikan anggolo wapahon epmano at Simon Petrus ilanggen haruk apareg, indibahal yungguksoho horie uruk apareg, At Yesus yig ituk wilil, “Nowe-o, an ap dahon atma, sohorep nahalug wilip amin-o,” ulug yig ituk apagma,

Lukas 6:13

O witaruk apagma, Aren omini epmano wol isaruk apareg, inebe dua belas epmano fuloko imbisebag. Fuloko imbisaruk apareg, it inebe ap mondep isebahon ulug minduhup isebag.

Lukas 6:15

Matius inim, Tomas inim, at Alfeus amloho Yakobus etno inim, eke Simon inuk Zelot soalfahon etno inim,

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 14:8

Yig isaruk apagma, eke at Filipus etnowen yig ituk wilil, “Nowe-o, Hat Hikni etno ebe ninilanggen hulen yanggul nisimin-o. Kidia arat yanggul nisamihinmu, nit niniluk arikon-o,” ulug yig epag.

Yohanes 6:5

Horie uruk apareg, At Yesus etno ilanggen wenag inaptuk apag it aphe obog At ambeg waharukmu ilanggen isaruk apareg, at Filipus etno yig ituk wilil, “It aphe duma orom ilitoho og isulen kema onggo balik luk-o?” ulug yig ituk apagma,

Yohanes 6:8

Ariroho yig ituk apagma, eke omin misig at Simon Petrus ot inuk Andreas etnowen yig ituk wilil,

Kisah Para Rasul 1:13

Amburuk apareg, it wereg ambeg inibam umbo epmano lahabag. Lahabareg weregma, it Petrus, Yakobus inim, eke it Yohanes, Andreas inim, eke it Filipus, Tomas inim, eke it Bartolomeus, Matius inim, eke it Alfeus amloho Yakobus, Simon inuk misig Zelotes etano inim, eke at Yakobus ot Yudas etno inim obog dambuksoho welapag.

Kisah Para Rasul 12:2

Laruk apareg, at Yakobus Yohanes owe etno karog fam waroko embebag.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.