Lukas 6:12 - Allah Wene Hurumbik Keron

¹² Uruk apagma, eke At Yesus etno bunumu laharuk apareg, hubanggo arambik Allah obam sembahyang uruk apag. Uruk apareg weregma, o witebag.

Lukas 6:12 ပူးပေါင်းရင်းမြစ်များ

Matius 5:1

Nin eke At Yesus it aphe obog wonggalfahon epmano yet isaruk apareg, bunu misig fam lahabag. Laharuk apareg, horie uruk apagma, At omini epmano ambeg wapag.

Matius 6:6

Eke hit sembahyang uog ulug, halug hinibam baharik undama kulug, sok larepatalug, Hinikni herahoma werehon etno obam sembahyang uruk amuk-o. Ariroho yig ituk hisalug, At Hinikni herahoma harukon etnowen selegma-at onggo fanowon etno og hisahu-o.

Markus 1:35

Eke fobik nohoruk apareg, o witiog ulug ahla healtuk heheg, iluk atlug wilip atuk apareg, o aphe eleg ambeg epmanowen sembahyang ik lebag.

Markus 3:13

Inesanggo watuk apareg, At Yesus etno bunumu lahabag. Laharuk apareg, At indi eberoko ahla buruk apareg, it inebe dua belas mondep isebahon epmano wol inapag.

Markus 6:46

Yig isaruk apareg, heahi warep isalug, At ebe bunumu epmano sembahyang ik lahabag.

Lukas 5:16

Wonggalik wapahon oke, At etno o aphe eleg ambehen sembahyang iminen ulug lebag.

Lukas 6:11

Fano atuk apagma, it epmano inasine atuk apareg, inune fog fog uruk wilil, “Niren At Yesus keroho dag seko umbuk-o,” ulug uruk apag.

Lukas 6:17

Eke fobik At Yesus etno omini dua belas inim bunumu epmanowen ambik waharuk apareg, omini nin anggolo inim o sili fanoroho kaho ambeg etno welapag. Weregma, it aphe obog o Yudea o ahik ya da epmanowen eke o Yerusalemen, Tirus Sidon ik laut suon ayegma werehon epmano inim,

Lukas 9:18

Eke fobik At Yesus etno akelegma lebareg sembahyang urukmu, it omini epmano At ambeg waharuk apagma, Aren yig isaruk wilil, “It aphe obog epmanowen An nebe farim sa ulug uruk-o?” ulug yig isebag.

Lukas 9:28

Yig isaruk apareg, eke fobik ininggik enggalimen angge welapareg, At Yesusen it Petrus, Yohanes, Yakobus etano og inaplug, inim sembahyang uog ulug bunumu misig lahabag.

Lukas 9:29

Lahabareg, sembahyang urukmu, At etno olohore ninon-at atuk wilil, asum inim obog olohore libil labal surukmu yet hao hai neken seg apag.

Yohanes 6:3

Mutlug laruk apareg weregma, At Yesus etno bunu misig fam laharuk apareg, omini epmano inim horie ebag.

Kolose 4:2

Eke hit nintul nantul sembahyang uruk amuhup-o. Eke Ninikni Allah wa ulug sembahyang uruk amuhup-o.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.