Lukas 5:33 - Allah Wene Hurumbik Keron

³³ Eke fobik it aphe ninen At Yesus etno yig ituk wilil, “It Yohanes omini inim, eke it Farisi ap epmano inim nintul nantul orom nenggeg eleg wilil, sembahyang urukon oke, eke Hat homini hag orom inim, ik inim naruk-o,” ulug yig ituk apagma,

Lukas 5:33 ပူးပေါင်းရင်းမြစ်များ

Matius 23:13

Eke fobik At Yesusen yig isaruk wilil, “Hit wene unde etno inim, eke hit Farisi ap epmano inim hinenggal-at uruk ahep hinabua-o. Hit it aphe inil fam At Allah wereg ambeg kukon sok etno latuk ahebon oke, hit hinebe kuhup fug at-o. Eke hiren aphe kuog ulug surukon epmano kuk fug ulug winimug isaruk ahep hit wene unde epmano inim, eke hit Farisi ap epmano inim hinenggal-at uruk ahep du hinabua-o.

Markus 12:40

Ariroho suruk wilil, it hweap suhweon epmano inibam kulug inaharek holeheg eke yamintal neken uruk wilil sembahyang yaron eheg, suruk ari fam inebe oag deloko o dagma-at imbisahu-o,” ulug yig isebag.

Lukas 11:1

Eke fobik At Yesus etno o misig sembahyang ebag. Uruk apagma, At omin misihen yig ituk wilil, “Ninowe-o, at Yohanesen omini sembahyang ukag ulug yanggul isarisi etno hag nit yanggul nisimin-o,” ulug yig ituk apagma, eke At Yesus etnowen yig isaruk wilil,

Lukas 18:12

Eke an hag nintul nantul ninggik birenam orom naruk ahi fug-o. Ariroho suruk wilil, naharek nomalowon etno Hat hake umburuk ahi-o,’ ulug at Farisi ap etno sembahyang ebag-o.

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

Lukas 5:32

Eke it ap inindi yuhun-at werehon halug inayonggo imbiog ulug An waharikik fug-o. It dag surukon halug inindi werehep isaruk wilil inayonggo imbiog ulug waharikik-o,” ulug yig isebag.

Lukas 5:34

eke At Yesus etnowen yig isaruk wilil, “Hwe misig onggo waruk wilil, at ahun etno wereg heheg, at omini epmanowen esoho etno nao ano, eleg ano? At hwe ahun etno wereg heheg, omini epmano esoho inim nao ari fano at-o.

Yohanes 1:35

Yig isaruk apareg, noholug ilikia at Yohanes omini biren inim o epmano wilil,

Yohanes 3:25

Belap inaptuk apareg weregma, at Yohanes omini nin epmanowen it Yahudi ap inim winimug apag ari, alem yi angge di angge usaroho ulug ho surukon epmano fam inim winimug apag.

Kisah Para Rasul 9:11

At Allahen yig ituk wilil, “Hat minatlug kwalem inuk Fanowon etno fam laruk wilil, at Yudas ibam etno kik wapmihinteg, haren ap o Tarsus ap misig inuk Saulus etna duma wereg ano?” ulug hinog wahun-o eke, “At ap etno sembahyang uruk heheg,