Lukas 5:24 - Allah Wene Hurumbik Keron

²⁴ Eke o kweanmen dag surukon epmano At Allah Amloho etnowen sohorep isalug inobam inapelegsoho apma imbisaruk ari fano-o, ulug hiniluk amag ulug ap du yig ipmin-o,” ulug yig isaruk apareg, eke at ap inggik iog oag elehon etno yig ituk wilil, “Hat minatlug hubuluk nohorukon du walug hibam lag-o,” ulug yig epag.

Lukas 5:24 ပူးပေါင်းရင်းမြစ်များ

Matius 16:13

Inahla buruk apagma, At Yesus etno o Kaisarea Filipi aliluke epmano laruk apareg, At omini epmano yig isaruk wilil, “It aphe dumen An Allahen minduhup naharision etno farim sa ulug uruk-o?” ulug yig isaruk apagma,

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Matius 4:24

Ariroho sil nuruk apareg fam, it ninen At etno fano inabil waha-o, ulug o Siria epmanowen At awene etno yig isil le­bag. Yig isil laruk apagma, it aphe uk warehon inim, eke uk oloken surukon inim, eke it setan inindimu kebahon inim, eke it nenek surukon inim, eke it inoag sahalehon inim At ambeg imbisa waharuk apagma, Aren obog-at fano inapag.

Matius 9:6

Eke At Allah Amloho etnowen it apheyen dag suruson epmano sohorep isalug inobam inapelegsoho apma imbisawag ulug minduhupfirision etno hiniluk atlihiben, hit hinil fam misig simin-o,” ulug yig isaruk apareg, eke fobik at ap oag mondog elehon etno yig ituk wilil, “Minatuk apmihinteg, hesabul nohorukon du holalug hibam lag-o,” ulug yig epag.

Lukas 5:13

Yig ituk apagma, At Yesusen inggik senetuk apareg, yig ituk wilil, “An fano habuk bihireg fam, arat fano seko hombahaki-o,” ulug at ap honanggorehon etno yig ituk apagma, eleg apag.

Lukas 5:18

Og ituk weregma, eke it ap ninen ap inggik iog oag elehon etno e belaroho walug wapag. Walug waharuk apareg, at ambeg kulteg, At Yesus ambeg imbik lulen-o, ulug kuog ulug sebahon oke,

Lukas 5:23

Eke ap inggik iog oag elehon du, ‘Hat dag sirikinon epmano sohorep isalug hobam hapelegsoho napma hombahaki-o,’ ulug ariroho yig irik ano, eke ‘Hat minatlug lag-o,’ ulug ariroho yig irik ano? Iek da!

Lukas 7:14

Laruk apareg, yig isaruk wilil, “Hit laruk imbisalug, dia bok amiek-o,” ulug yig isebag. Yig isaruk apareg, at ap warapahon etno yig ituk wilil, “Hat udag du, kidia Anden minamin ulug yig hituk ahi-o,” ulug yig epag.

Lukas 8:54

Ahunda yatuk apagma, At etnowen hole etno inggik sen haruk wilil, “Hole du minamin-o,” ulug yig ituk apagma,

Yohanes 11:43

Yig ituk apareg, eke fobik une suon uruk wilil, “Lazarus wai, hat hebe minatlug wilik ma-o,” ulug uruk apagma,

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 3:13

Eke at ap misig etno o boholma lahabag fug-o. An Allahen minduhup naharision etno hag boholmen ambik waharuk seyag-o.

Yohanes 5:27

Eke An nebe ari Allah Amloho halug, Anden aphe inoag del inabukon etno unde welamag ulug nobam imbirisi-o.

Kisah Para Rasul 14:10

Ilanggen fikfag wenaharuk apareg, une suon yig ituk wilil, “Hiog kik halug minamin-o,” ulug yig ituk apagma, ap etno minatuk apareg lebag.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Kisah Para Rasul 9:34

Ha laruk apareg, at Petrus etnowen yig ituk wilil, “Eneas wai. Hat hebe etno At Yesus Kristusen fano haptuk-o. Fano haptukmu, kidia minatuk apmihinteg, hesabul nohoruk ahenon etno yinggiloko hulimin,” ulug yig ituk apagma, at Eneas etno minapag.

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.

Wahyu 1:13

inanggelegma bulmu epmano at misig ebe ap hahon etno asum yaron iogmu wanteg wilil, amigmu aserlog emas fam sehon etno wanteg weregma harikik-o.