Lukas 5:20 - Allah Wene Hurumbik Keron

²⁰ Belapfuruk apagma, At Yesus etnowen At obam eberepfulug walug waharuk enggag isaruk apareg, ap inggik iog oag elehon etno yig ituk wilil, “Namloho-o, hat dag suruk atikinon epmano sohorep isalug, hobam hapelegsoho napma hombahaki-o,” ulug yig ituk apagma,

Lukas 5:20 ပူးပေါင်းရင်းမြစ်များ

Matius 9:2

Waharuk apagma, it ap ninen ap inggik iog oag mondog elehon etno e belaroho walug wapag. Walug waharuk apagma, At Yesus etnowen At obam eberepfulug walug waharuk enggag isaruk apareg, ap oag mondog elehon etno yig ituk wilil, “Namloho-o, hat hahientoho at welamin-o. Hat dag suruk atikinon epmano sohorep isalug, hobam hapelegsoho napma hombahiki-o,” ulug yig ituk apagma,

Matius 9:5

Eke at ap oag mondog elehon du dag sirikinon hobam hapelegsoho imbisalug napma hombahaki-o, ulug ariroho yig irik ano? Eke minatuk apmihinteg, lag-o ulug ariroho yig irik ano? Hiren ariroho yig um fano ulug yig nimiek da.

Markus 2:5

Belapfuruk apagma, At Yesus etnowen At obam eberepfulug walug waharuk enggag isaruk apareg, ap oag elehon etno yig ituk wilil, “Namloho-o, hat dag suruk atikinon epmano sohorep isalug, hobam hapelegsoho napma hombahaki-o,” ulug yig ituk apagma,

Lukas 7:48

hwe etno yig ituk wilil, “Hat bilin dag suruk atikinon epmano At Allahen hobam hapelegsoho apma hombahasi-o,” ulug yig epag.

Yohanes 2:25

Ariroho ahla beheg eleg weregma, it ninen aphe inobabut duroho wereg ulug yig um hai atuken yig ereheg eleg-at welapag. Ariroho wereg heheg, At Yesus akeleg-at it yi aphe di aphe inahla burukon etno obog-at iluk welapag-o.

Yohanes 5:14

Yig isaruk apagma, eke fobik At Yesusen ap etno o Allah ibam epmano weregma haruk apareg, yig ituk wilil, “Hat hebe kidia arat fano ahen du, fobik uk suon etno hobam umbuk nowen, haren dag suruk ahenon epmano sohorep isin-o,” ulug yig epag.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 14:9

Esanggo holtuk apareg, at etnowen niog fano nabukag ulug wene etno eberoko waruk apagma, at Paulus etnowen aren baltuk apareg, ilanggen fikfag wenaharuk apag.

2 Korintus 2:10

Eke hiren ap misig dag sirision etno sohorep isalug, obam apelegsoho hinapma umburuk hisalug, anden arat obam apelegsoho napma imbirikik-o. Eke obam apelegsoho napma imbirikik ihi ari, At Kristus il fam hit hinake-at napma imbirikik-o.

Kolose 3:13

Eke hit winimug abeheg eleg wilil, hinomini yalmag inaptuk amiek-o. Eke At Allahen hit dag suruk atikibon epmano hinapelegsoho apma hinombisaharisi halug, hit ariroho hinebe healeg neken welam fug-o.

Yakobus 2:18

Eke at ap misihen uruk wilil, “An hag Allah wene fanoroho suruk ahion-o, hat hag huneyen-at Allah wene waruk ahen-o,” ulug yig nitlepmen eke anden ap etno yig ituk wilil, “Ap misig uneyen Allah wene urukon oke, ilitoho suruk eleg wilil, keroho neken yuhun-at wereg-o. Eke yi angge di angge fanoroho surukon etno fam it aphe obohen, ap du Allah wene demat uruk-o, ulug yig imuhup-o,” ulug anden yig itle-o.