Lukas 5:17 - Allah Wene Hurumbik Keron

¹⁷ Eke fobik o misihim it Farisi ap nin inim, eke it ap wene holal baleg unde epmano nin inim o Galilea, o Yudea, o Yerusalem o ahik ya da epmanowen obog-at waharuk apareg, At Yesus ambeg wapag, wapareg weregma, Aren wene yanggul isaruk apag. Yanggul isaruk weregma, At Yesusen aphe uk warehon fano inabukag ulug At Allahen oag werehon etno og ituk apag.

Lukas 5:17 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 15:1

Eke fobik it Farisi ap etno inim, eke it wene holal baleg unde nin epmano inim o Yerusalemen At Yesus ambeg wonggalik waharuk apareg, yig ituk wilil,

Markus 1:45

Lahapfuruk apagma, ambeg epmanowen wilip atuk apareg, yig isaruk wilil, “An etno arat fano nabehek-o,” ulug it aphe epmano yuhun-at weregma, yig isil lebag etno fam, At Yesus etno aphe wereg ambeg inibam o silimu epmano kebag fug. Akeleg-at o isinggama epmano weregma it aphe o ahik ya da epmanowen ambeg wonggalik wapag.

Markus 16:18

Ariroho suruk wilil, eke walo muluk neken ininggik senereheg, eke imag wareg neken nenggeg suhubon oke, etno fam waramuhup fug-o. Eke it uk warehon epmano hininggik sen inaptuk hisalug fano amuhup o,” ulug yig isebag.

Markus 3:22

Senebuog ulug laruk iseheg, it ap wene baleg unde nin epmano o Yerusalemen waharuk apareg, uruk wilil, “Ap du iblis Beelzebul indimu kehek-o. Eke Aren it iblis inindimu kurukon epmano lisoko wilip isaruk ari, at Beelzebul iblis inowe etno oag werehon etno og ituk hehe-o,” ulug yig epag.

Markus 5:30

At Yesus etno ahla buruk wilil, “An noag weregsoho aphe fano inaptuk ahion etno wilip aha hihi-o,” ulug ahla buruk wilil, it aphe obog At ambolma fanggog ik wapahon epmano ilanggen dahagsoho yet isebag. Yet isaruk wilil, “An nasum sen senerehen-o,” ulug yig isebag.

Markus 7:1

Eke fobik it Farisi ap epmano inim, eke it wene baleg unde nin epmano inim obog-at o Yerusalemen At Yesus ambeg wonggalik wapag.

Lukas 15:2

it Farisi ap inim eke it wene yanggul isarukon epmano inimen inune fog fog uruk wilil, “At ap du it ap dag surukon epmano inim heahi war war uruk ahesareg orom inim naruk-o,” ulug uruk apag.

Lukas 2:46

Laruk apareg, ininggik henahanam o At Allah ibam epmanowen it Yahudi ap yanggul isarukon wene unde epmano inim wilil, esanggo holeheg, hinog og inabeheg surukmu, heahabag.

Lukas 5:21

it ap wene holal baleg unde epmano inim, it Farisi ap epmano inimen uruk wilil, “At ap Allah abug baltuk du sa-o? Nit dag suruk atukukon epmano At Allahen-at sohorep isalug ninobam ninapelegsoho apma ninombisaharukon oke, it apheyen inapma ninombisahuk ari fano behep?” ulug inahla bebag.

Lukas 5:30

Inim horieg weregma, it Farisi ap nin inim, it wene baleg unde epmano inomini nin inimen inilanggen isaruk apareg, At Yesus omini epmano yig isaruk wilil, “It uang onggo kino urukon inim, it dag surukon inim hit keroho ulug hinim-at orom naruk ahep-o?” ulug hinog waruk apagma,

Lukas 6:19

Fano inaptuk apareg weregma, it aphe obohen At Yesus oag werehon etnowen obog fano ninaptuk-o, ulug iren ebe sen huog ulug suruk apag.

Lukas 7:30

Eke it Farisi ap inim, eke it ap wene holal baleg unde epmano inimen At Allahen inesanggo wapahon etno holtug elegma, at Yohanesen ikma belap ninabuk ninambit-o, ulug uruk apag.

Lukas 8:46

Yig ituk apagma, At Yesusen yig ituk wilil, “Eleg-o, An noag weregsoho aphe fano inaptuk ahion etno wilip ahareg fam, at misihen sen neyehek ulug niluk aha-o,” ulug yig ituk apagma,

Yohanes 3:10

At Yesus etnowen yig ituk wilil, “Hat hebe it Israel aphe epmano yanggul inaptuk ahenon-at oke, An wene yig hirihion etno hapeleg atuk ano?

Yohanes 3:21

It nin ariroho inambit harukon oke, it nin wene demat urukon etno ilitoho suruk isalug, at o seleg etno ambeg waharuk ari, iren fanoroho surukon etno At Allah une ninesanggo holtuk wilil surukuk-o, ulug selegma amag ulug at o seleg etno ambeg waharuk-o,” ulug yig epag.

Kisah Para Rasul 19:11

Eke at Paulus etno At Allah inim sil nuruk wilil inggik sukfugangge anggolo suruk atisi.

Kisah Para Rasul 4:30

Eke Hat hinggik fam fano inaptuk wilil, At hanggimbu fanowon Yesus etno inuk fam elalintoho sukfugangge suruk amin-o,” ulug sembahyang ebag.

Kisah Para Rasul 5:34

Uruk apagma, ap iron misig inuk Gamaliel etno minapag. Minapahon etno aren Musa wene etno fam it aphe obog yig isarukmu une holtuk apagma, at ebe Farisi ap wilil, wene yig isiog ulug minapag.