Lukas 4:35 - Allah Wene Hurumbik Keron

³⁵ At Yesus etnowen setan etno winimug yig ituk wilil, “Hune eleg-o. Hat setan wilip amin-o,” ulug yig ituk apagma, at setan etnowen ap etno it obog inolohotmen yinggipfuruk apareg, fobik dahon etno obam umbulug eleg-at wilip apag.

Lukas 4:35 ပူးပေါင်းရင်းမြစ်များ

Matius 17:18

Wilip atuk apagma, udag etno ebe fano apag.

Matius 8:26

At Yesusen yig isaruk wilil, “Hit Allah une fanoroho ebetuk ahep fug etno, keroho ulug hinakolen uruk ahep-o?” ulug yig isebag. Yig isaruk apareg, minatlug hiahne etno inim, ik etno inim winimug yig isaruk apagma, aplohok eleg apag.

Markus 1:26

ulug yig ituk apagma, at setan dahon etno ap etno indimuen aplohok suruk apareg, une suon uruk wilil, hetnogsoho wilip apag.

Markus 4:39

At etno iluk atuk apareg, hiahne etno inim, ik etno inim winimug yig isaruk wilil, “Fobik hinaplohok suk fug-o, bok amiek-o,” ulug yig isaruk apagma, hiahne etno aplohok eleg aheg, ik etno bok aheg sebag.

Markus 9:26

Winimug yig ituk apagma, at setan etno une nga uruk apareg, dahag fahag suruk wilil, wilip apag. Wilip atuk apagma, udag etno ap warehon neken wereg heheg, it aphe epmanowen, “Waraha-o,” ulug uruk apag.

Lukas 11:22

Eke ap etno ap misihen warepfuruk atlug, asehen inim, aharek inim diloko holaruk-o.

Lukas 4:23

Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.

Lukas 4:39

Yig ituk apagma, at hwe etno uk wareg wilil nohorukmu, At Yesus etno ambeg kuruk apareg, uk salo elekelek surukon etno winimug yig epag. Yig ituk apagma, uk etno eleg apag. Eleg atuk apagma, at hwe etno minatuk apareg, inaso welapag.

Lukas 4:41

Eke it nin setan inindimu werehon epmano wilip atuk apareg, inune suon yig ituk wilil, “Hat hebe Allah Amloho-At heyehe-o,” ulug yig ituk apagma, iren, “At Yesus ari Kristus At-o,” uk nowen ulug winimug yig isebag.

Lukas 8:24

Ariroho suruk heheg, it omini epmano At Yesus so atogma nohorukmu ambeg waharuk apareg, ilukepfebag. Ilukepfuruk apareg, yig ituk wilil, “Ninowe-o, nit iken sebel ninabiog ulug suruk-o,” ulug yig ituk apagma, At etno minatuk apareg, hiahne etno inim, ik lek hondo surukon etno inim winimug yig isaruk apagma, o hiahne etno eleg atuk apareg, ik etno hai apag.

Lukas 9:39

Eke at etno setan indimu kurukmu, une suon uruk wilil nenek surukmu, elma wasup anggolo herog uruk-o. Eke at setanen ayeg libiltuk wilil, sohorep isaruk eleg-o.

Lukas 9:42

Yig ituk apagma, udag etno waharuk heheg, at setanen waroko kweanma yinggipfuruk apagma, nenek sebag. Nenek suruk apareg weregma, At Yesusen setan dahon etno winimug yig ituk apareg, udag etno fano sebag. Fano suruk apareg, At etno ikni og epag.

Wahyu 12:12

Ari halug, hit boholma welahebon hinahien suruk amiek-o. Eke hit kweanma, ikma welahe­bon epma hinabua-o. At iblis etno hinambeg ambehekseg fam, ahla buruk wilil, Allahen war nabukon etno fanggog ehek hihi-o, ulug asine anggolo hehek-o,” ulug une etnowen irisi-o.