Lukas 24:48 - Allah Wene Hurumbik Keron

⁴⁸ Ari halug, hit hinilanggen harikipseg fam, hurumbik etno demat seg atisi-o, ulug yig isil nuruk amuhup-o.

Lukas 24:48 ပူးပေါင်းရင်းမြစ်များ

Yohanes 15:27

Ariroho yig hisaruk aruhu etno hag, hit An ninim bilin welatukukon etnowen inim-at An nawene etno yig isil lahup-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 10:39

Ariroho sil nuruk wilil, it Yahudi ap wereg ambeg inim, eke o Yerusalem inim obog-at sil nurukmu, ninilanggen harukukseg, yig hisaruk ahe-o, eke fobik At ebe etno e fam lenggaloko umburusareg, watusa-o.

Kisah Para Rasul 10:41

Minduhupfuruk atisimu, ik orom ninim narukuk-o.

Kisah Para Rasul 13:31

Eke it ininggik anggoloam At ebe haruso epmanowen kidia At awene etno it Israel aphe yig isaruk wereg-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 22:15

Eke hilanggen haruk wilil, hesanggo holtikinon etno it yi aphe di aphe obog inesanggo holtuk amag ulug yig isil nuruk aruhun-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 4:33

Uruk wilil weregma, eke it mondep isebahon epmano inoag weregsoho wilil, At Ninowe Yesus minduhupfebahon wene etno yig isil nuruk apag. Yig isil nurukmu, At Allahen it obog inobam ahien embebag.

Kisah Para Rasul 5:32

Eke nit At Roh Kudus etno ninimen wene etno yig hisaruk ahe ari, At Allahen At une warukon epmano Roh Kudus og nisarukmu yig hisaruk ahe-o,” ulug yig isaruk apag.

1 Petrus 5:1

Eke kidia an Allah wene yig isaruk ahion etnowen hit Allah wene yig isaruk ahebon epmano an wene misig yig hisaruk ahi-o. An At Kristus obam dahon umburukmu nilanggen harikikon etno fobik At ninim ilitoho welamuhuk-o, ulug yig hisaruk ahi-o.