Lukas 24:46 - Allah Wene Hurumbik Keron

⁴⁶ “An nahurumbik bilin wene embebahon epmano yig hisamin-o. Ari, At Kristus yi angge di angge dahon etno obam umburuk amuhupmu, inggik henahan welatlug iluksoho minduhupfuhu-o.

Lukas 24:46 ပူးပေါင်းရင်းမြစ်များ

Matius 26:24

ulug yig isaruk apareg, eke fobik yig isaruk wilil, “An Allahen minduhup naharision etno holal amuk balfag etno ilitoho-at wararuhuk oke, eke An Allahen minduhup naharision etno nowabukag ulug yonggo laruk du abua-o, ap ari endag atlep fugmen fano-o,” ulug yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Lukas 24:7

‘An Allahen minduhup naharision etno it ap dag surukon epmano og isaruk amuhupmu, iren e fam lenggaloko nombahalug nowabuhup-o. Nowatuk amuhupmu, ninggik henahanam welatlug niluksoho minduhup nahaku-o,’ ulug Aren bilin hurumbik yig hisarision etno hinindi ebetuk amiek-o,” ulug it malaikat etanowen yig isebag.

Yohanes 20:9

Ariroho indi ebepahon oke, bilin Alkitab wene baleg fam uruk wilil, “Ebe iluk atlug minaruhu-o,” ulug ebahon etno inindi ebereheg eleg-at welapag.

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.