Lukas 24:36 - Allah Wene Hurumbik Keron

³⁶ Awan yig isaruk iseheg, At Ninowe etno hetnogsoho inambeg minarik waharuk apareg, yig isaruk wilil, “Nomini wahinaniog-o,” ulug yig isaruk apagma,

Lukas 24:36 ပူးပေါင်းရင်းမြစ်များ

Matius 10:13

Yig isaruk amuhupmu, iren wa ulug yig hisaruk isalug, hiren heahi war inaptuk wilil, hinahien inobam imbiuk-o. Eke iren hinaohi esetuk eleg isalug, hinahien inobam umbuk fug-o.

Markus 16:14

Eke fobik At omini epmano orom nuog ulug epmano horieg weregma, At etno inilanggen neawag ulug inambeg wapag. Waharuk apareg, yig isaruk wilil, “It aphe ninen An enggag nealug iluk aha ulug yig hiseheson oke, hit An nobam ebereheg eleg-at welahep du, hinindi fanoroho ebetuk ahep fuhon-at hisihi-o,” ulug winimug yig isebag.

Lukas 10:5

Eke hit hinebe o misig kuruk amuhupseg, wahinaniog ulug fikfag yig isimuk-o.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 20:26

Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Kisah Para Rasul 1:3

Inambeg laruk apareg, it epmano demat inahla bukag ulug ininggik empat puluh inim wilil, inilanggen hebag. Inilanggen haruk apagma, Aren wene Allah weregmen sukon etno yig isebag.

1 Korintus 15:5

Minduhupfuruk apagma, at Kefas etnowen ilanggen hebag. Hebareg fam, eke fobik it dua belas epmanowen inilanggen hebag.

1 Korintus 15:7

Eke fobik at Yakobus etnowen ilanggen hebag. llanggen hebareg fam, eke fobik it mondep isebahon epmano dambuksohoen inilanggen hebag.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.