Lukas 24:30 - Allah Wene Hurumbik Keron

³⁰ Kuruk apareg, inim e belareg etno fam horieg wilil, orom roti etno inggikmu waruk apareg seneg wilil sembahyang ebag. Sembahyang uruk apareg, kuroko og isebag.

Lukas 24:30 ပူးပေါင်းရင်းမြစ်များ

Matius 14:19

it aphe obog isinggama epmano horie ukag ulug yig isebag. Yig isaruk apareg, At Yesus etnowen orom roti fuaben angge eke ikan biren etano inim waruk apareg seneg wilil, ilanggen boholma lahap haruk apareg, heahi watuk wilil Allah wa ulug sembahyang ebag. Sembahyang uruk apareg, orom roti etano kuroko omini og isaruk apagma, At omini etnowen it aphe sumbut isebag.

Matius 15:36

Waruk apareg, seneg wilil Nikni Allah wa ulug sembahyang ebag. Sembahyang uruk apareg, orom roti inim ikan inim kut kut At omini etno og isaruk apagma, it aphe obog inapma belabil lebag.

Matius 26:26

Yig ituk apareg, orom naruk wilil, At Yesus etnowen orom roti inggikmu waruk apareg, seneg wilil, “Nikni Allah wa,” ulug sembahyang uruk apareg, omini etno kut kut og isaruk wilil, “Orom du An nebe ilitoho-at-o, hit holalug amiek-o,” ulug yig isebag.

Markus 14:22

Yig isaruk apareg, orom nuog ulug At Yesus etnowen orom roti inggikmu waruk apareg, seneg wilil, Nikni Allah wa ulug sembahyang uruk apareg, omini epmano kut kut og isaruk wilil, “Orom du An nebe ilitoho at-o, hit hulimiek-o,” ulug yig isebag.

Markus 6:41

Horiep isaruk apagma, At Yesus etno orom roti fuaben angge inim, ikan biren inim seneg wilil, ilanggen boholma lahap haruk apareg, heahi watuk wilil, Nikni Allah wa ulug sembahyang ebag. Sembahyang uruk apareg, orom roti etano kut kut At omini epmano og isebag. Og isaruk apagma, iren sumburuko nawag ulug inapma belabil lebag. Belabil laruk apagma, eke fobik ikan biren etano ariroho-at belap isawag ulug og isebag.

Markus 8:6

At Yesus etnowen yig isaruk wilil, “Hit aphe obog horie iek-o,” ulug yig isaruk apareg, orom roti sabiren angge etano inggikmu webag. Waruk apareg, seneg wilil, Nikni Allah wa ulug sembahyang ebag. Sembahyang uruk apareg, orom roti etno kut kut At omini etnowen sumbut isawag ulug og isaruk apagma, it aphe obog inapma belabil lebag.

Lukas 22:19

Yig isaruk apareg, orom roti inggikmu webag. Waruk apareg, seneg wilil, Nikni Allah wa ulug sembahyang uruk apareg, it epmano kut kut og isaruk wilil, “Orom roti du An nebe ilitoho at-o. Eke orom roti du An nebe hit hinake og hisawon etno-at wereg-o. Ari halug, hiren An nebe etno hinindimu ebetuk amuhuben amiek-o,” ulug yig isebag.

Lukas 24:29

it etanowen yig ituk wilil, “Eleg-o, mo dobog uruk wilil, o arat hup ahareg fam ninim nohul-o,” ulug yig ituk apagma, inim nohuog ulug inambeg kebag.

Lukas 24:35

Yig isaruk apagma, eke it biren etanowen dindiloko yig isaruk wilil, “Nit kwalem laruk wilil, ap misihen wene yig nisaruk ahareg, eke fobik umen orom roti kut nisarukmu, ap du At Ninowe at-o, ulug niniluk aha-o,” ulug yig isebag.

Lukas 9:16

Horiep isaruk apagma, At Yesus etnowen orom roti fuaben angge etano inim, ikan biren etano inim seneg wilil, ilanggen boholma lahap haruk apareg, heahi watuk wilil, Allah wa ulug sembahyang ebag. Sembahyang uruk apareg, At omini epmanowen it aphe sumbut isawag ulug kut kut og isebag.

Yohanes 6:11

Horie uruk apagma, At Yesusen orom roti etano waruk apareg, At Allah wa ulug sembahyang ebag. Sembahyang uruk apareg, it aphe obog horie ebahon epmano At omini epmanowen sumbut isawag ulug og isebag. Og isaruk apagma, sumbut isebag. Sumbut isaruk apareg, fobik ikan etano ariroho-at sumbut isebag. Sumbut isaruk apagma, iren dia namin ulug inahla bebahon epmano obog-at inahumsoho nebag.

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 27:35

ulug yig isaruk atisireg, at Paulus etno orom roti inggikmu waruk atisireg, it obog inil fam Allah wa ulug sembahyang uruk atisireg kuroko naruk atisimu,