Lukas 24:26 - Allah Wene Hurumbik Keron

²⁶ Eke At Kristus etno Inowe suon welamag ulug, yi angge di angge dahon obam embeheg elegma suon welaruhu-o ulug hinahla buruk ahep ano?” ulug yig isebag.

Lukas 24:26 ပူးပေါင်းရင်းမြစ်များ

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Lukas 24:46

“An nahurumbik bilin wene embebahon epmano yig hisamin-o. Ari, At Kristus yi angge di angge dahon etno obam umburuk amuhupmu, inggik henahan welatlug iluksoho minduhupfuhu-o.

Lukas 24:7

‘An Allahen minduhup naharision etno it ap dag surukon epmano og isaruk amuhupmu, iren e fam lenggaloko nombahalug nowabuhup-o. Nowatuk amuhupmu, ninggik henahanam welatlug niluksoho minduhup nahaku-o,’ ulug Aren bilin hurumbik yig hisarision etno hinindi ebetuk amiek-o,” ulug it malaikat etanowen yig isebag.

Yohanes 2:22

Ariroho ebahon etno fobik At ebe it aphe warehon wereg ambehen iluksoho minatuk apagma, it omini epmanowen Aren ebahon etno-at inindi ebetuk wilil, wene baleg embebahon etno inim, eke At Yesusen yig isebahon etno inim demat ulug inahla bebag.

Yohanes 20:9

Ariroho indi ebepahon oke, bilin Alkitab wene baleg fam uruk wilil, “Ebe iluk atlug minaruhu-o,” ulug ebahon etno inindi ebereheg eleg-at welapag.

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

1 Petrus 1:11

Hurumbik etno uruk wilil, “O maram waruhureg, og hisahu-o,” ulug inahla burukmu, At Kristus Roh Kudus etnowen yig isebag, “Fobik At Kristus wabuhup oke, iluksoho suon-at minduhupfuhu-o”, ulug hurumbik yig isebag.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.