Lukas 23:47 - Allah Wene Hurumbik Keron

⁴⁷ Waratukmu it ap sehen seneg werehon inowe suon etno obog-at ilanggen haruk apareg, At Allah inuk suontepfuruk wilil, “At ap du demat fanowon welaha-o,” ulug uruk apag.

Lukas 23:47 ပူးပေါင်းရင်းမြစ်များ

Matius 27:51

Waratuk apagma, sum o Allah ibam undama baharik misig fam supnihon etno atogmen atogma hiroho kahal apag. Kahal atuk apagma, o yugul suruk wilil, kwean aplohok seheg, eke helep suon kahal aheg sebag.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Markus 15:39

Eke At Yesus etno une suon uruk apareg waratukmu, it ap sehen seneg werehon inowe suon neken etno olohotma minduhuk wilil yet hebag. Yet haruk apareg, uruk wilil, “Ap du Allah Amloho demat hihi-o,” ulug ebag.

Lukas 23:41

nit biren hag dag surukuk etno fam onggo ulug e fam lenggaloko ninombisahakesa-o. Eke At ap du hag dag sirisi fuhon oke, e fam lenggaloko embehesa-o,” ulug yig ituk apareg,

Yohanes 19:7

Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.