Lukas 23:34 - Allah Wene Hurumbik Keron

³⁴ Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Lukas 23:34 ပူးပေါင်းရင်းမြစ်များ

Matius 5:44

ulug yig isebahon etno hiniluk oke, eke Anden yig hisaruk wilil, ‘Ap selion halug hinim hunduhuk-at wela­muk-o. Eke it ninen waramin ulug yig hituk halug, hat hahien obam umburuk amuk-o. Eke hat hebe ambe­rak neken hearuk halug, fanoroho suhun-o. Eke inasi­ne hinobam umburuk wilil mug hisuog ulug suruk isalug, inake sembahyang iuk-o,’ ulug yig hisaruk ahi-o.

Kisah Para Rasul 7:60

indibahal yungguksoho une suon uruk wilil, “Nowe-o, it ap an nowatukon du inapelegsoho hapma imbisin-o,” ulug yig ituk apareg, warapag.

1 Petrus 3:9

Dahon hinobam umburuk isalug, hiren dahon inobam umbuk fug-o. Eke inune dahon yig hisaruk isalug, hiren hinune dahon inobam umbuk fug-o. Ariroho umbuk fug ulug yig hisihion oke, hit hinahien inobam umburuk amuk-o. Ari At Allahen nahien hinobam umburuk aruhuk, ulug wol hisarisi etno hag fanoroho suruk amuk-o.

Roma 12:14

Eke it muko wilip hinabuog ulug surukon epmano inim-at hinahien inobam umburuk amuk-o. Ariroho hinahien inobam umburuk wilil, hiren wene homali etno inobam umbuk fug-o.

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

1 Timotius 1:13

Eke anden At Yesus nune dahon yig ereheg, eke At udaki muko wilip iseheg suruk atikikon epmano At Yesusen hindi wereg atuk halug, an nanggimbu welaruhun-o, ulug sohorep naharisi fug-o. Eke an bilin Allah wene napelegma dag suruk nealug, At Allahen nabua nearisi-o.

Kisah Para Rasul 3:17

Eke nomini-o, hit hinowesi hinimen Yesus obam dahon imbirikibon etno hinapelegma sirikip ulug an niluk-o.

1 Korintus 4:12

Eke nininggik fam suruk wilil, yabuk sat anggolo-at suruk ahe-o. Eke iren dahon ulug yig nisarukmu, niren it hag wa ulug yig isaruk ahe-o. Eke iren dahon epmano ninobam ninombisahuog ulug mug nisaruk oke, nit ninindi bugsoho-at welahe-o.

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Markus 15:24

Sohorep isaruk apagma, it epmanowen e fam lenggalepfulug paku warepfuruk apareg, At asum etno fuloko huluog ulug helep esag esag suruk apareg, fuloko holebag.

Matius 11:26

Haren hahien isaruk wilil, fuloko imbisaruk atikinteg yig isa­rikin-o.

Lukas 22:42

“Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Yohanes 17:9

Ariroho iniluk atisireg fam, An it inake-at sembahyang uruk ahi-o. Ari halug, Anden it aphe kweanma werehon nin inake sembahyang uruk ahi fug-o. We it Hat hudaki Haren og nitikinon epmano-at inake sembahyang uruk ahi-o.

Kisah Para Rasul 16:28

at Paulusen une suon yig ituk wilil, “Hat honggarehen wata fug-o. Nit ninebe obog duma welahe-o,” ulug yig ituk atisimu,