Lukas 22:61 - Allah Wene Hurumbik Keron

⁶¹ Une uruk apagma, At Ninowe etno olohore ambolma dahag uruk apareg, at Petrus ebe yet haruk apagma, eke at Petrus etno Yesusen yig epahon epmano ahla ebetuk wilil, sue ayam une awan uruk eleg heheg, henahanam an ebe napeleg uhun ulug yig nitisi-o, ulug ahla buruk apareg, selema wilip apag.

Lukas 22:61 ပူးပေါင်းရင်းမြစ်များ

Matius 26:34

eke At Yesus etnowen yig ituk wilil, “Ariroho ehenon oke, o sono ilikia sue ayam une awan uruk eleg heheg, henahanam An ebe napeleg uhun-o, ulug yig hirihi ari An demat yig hirihi-o,” ulug yig epag.

Matius 26:75

at Petrus etno Yesusen bilin yig epahon etno indi ebetuk wilil, “Sue ayam une iog ulug suruk heheg hinggik henahanam An ebe napeleg-o ulug uhun-o,” ulug yig epahon etno indi ebetuk apareg, selema wilip apag. Wilip atuk apareg, ioba anggolo yapag.

Markus 5:30

At Yesus etno ahla buruk wilil, “An noag weregsoho aphe fano inaptuk ahion etno wilip aha hihi-o,” ulug ahla buruk wilil, it aphe obog At ambolma fanggog ik wapahon epmano ilanggen dahagsoho yet isebag. Yet isaruk wilil, “An nasum sen senerehen-o,” ulug yig isebag.

Lukas 10:41

At Ninowe etnowen yig ituk wilil, “Marta wai, hat yi angge di angge anggolo sukon hindi seneni ebetuk ahenon oke,

Lukas 22:34

Yig ituk apagma, At Yesusen yig ituk wilil, “Petrus wai. Ariroho ehenon oke, sue ayam kulog etno une awan uruk eleg heheg, haren henahanam An ebe napeleg uhun-o,” ulug At Yesusen yig epag.

Lukas 22:60

Uruk apagma, eke at Petrus etnowen yig ituk wilil, “Hat ap duen yig nerehenon ari an napeleg-o,” ulug awan yig ituk heheg, sue ayam une ebag.

Lukas 22:62

Wilip atuk apareg, at Petrus etno ioba anggolo yatuk apag.

Lukas 7:13

At Yesus etno ilanggen haruk apareg, indimuen ahmu atuk apagma, udag warapahon isina etno yig ituk wilil, “Hat ioba yabuk fug-o,” ulug yig epag. Yig ituk apareg, At ebe it ap warehon walug wapahon epmano inambeg lebag.

Lukas 7:19

at Yohanesen omini biren wol isaruk apareg, yig isaruk wilil, “Hit At Yesus ambeg lalihipseg hinog waruk wilil, ‘At Yohanesen ap suon misig waruhu ulug hurumbik yig nisebahon etna Hat-at ano, eke misig fobik waruhumu aso welahe ano?’ ulug At Yesus hinog yig irik aliek-o,” ulug at Yohanesen lahap isaruk apagma, it epmano At Yesus ambeg wapag.

Yohanes 13:38

Ariroho yig ituk apagma, eke At Yesusen yig ituk wilil, “Haren ninim-at ninusukag ehen ari, demat ihi ulug hahla buruk ahen ano nomin? Ari halug, Anden wene misig yig hipmin-o. Fobik sue ayam kulog etno awan une uruk eleg heheg, haren henahanam ebe napeleg ulug imihin-o,” ulug yig epag.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Efesus 2:11

Eke hit hinebe Allah wene hinapeleg wilil endag apahon epmano it Yahudi aben ininggiken surukon epmano fam, nit hag niniyunggul ambilik balehon welahe-o, eke hit hag hiniyunggul ambilik baleg elehon welahep-o ulug yig hisebahon etno hit bilin keroho welatukuk ulug hinahla ebetuk amiek-o.

Wahyu 2:5

Eke hit hinebe dag sirikibon epmano hinin­di eberiek-o. Ari halug, hiren dag suruk ahebon epmano sohorep isalug, bilin suruk atikip epmano ilitoho suruk amiek-o. Eke hiren dag suruk ahebon epmano sohorep isaruk eleg hisalug, An fobik hinambeg waharuk aruhukseg, hiren eral fisako umburuk ahep ambeg etno walug o werlekma umbuhuk-o.