Lukas 22:38 - Allah Wene Hurumbik Keron

³⁸ eke At omini epmanowen yig ituk wilil, “Ninowe-o, karog biren wereg dia hilanggen himin-o,” ulug yig ituk apagma, At etnowen yig isaruk wilil, “Fano at-o,” ulug yig isebag.

Lukas 22:38 ပူးပေါင်းရင်းမြစ်များ

Matius 26:51

Senetuk apagma, at ap misig At Yesus inim welapahon etnowen karog lisoko ap Allah unde suon anggimbu misig etno esanggo sarepsepfebag.

Lukas 22:36

Yig ituk apagma, eke At Yesusen yig isaruk wilil, “Kidia hinahuang anggen eset inim, hinasum inim wereg halug, hulimiek-o. Eke hinenggarog eleg halug, hinasum selemon epmano fam onggo bal simiek-o.

Lukas 22:49

Yig ituk apagma, it At Yesus omini inim werehon epmanowen, At ebe senebuog ulug surukmu isaruk apareg, yig ituk wilil, “Ninowe-o, nit karog lisoko warep isuk ano?” ulug yig ituk apareg,

Yohanes 18:36

Yig ituk apagma, eke At Yesusen yig ituk wilil, “An nebe Inowe suon welamon etno kidia o kweanma dumen suon neken welahi fug-o. An nebe o kweanma dumen suon neken welatlemen, it Yahudi aben ebe senebuk nowen ulug, it An nomini epmanowen nili wim aplep-o. Ariroho aplebon oke, An nebe inowe suon welamon etno it ap o kweanma dumon inowesi suon wereg epmano hag welahi fug-o,” ulug yig epag.

1 Tesalonika 5:8

Eke nit o ilingge udaki neken welaheon epmano nit noho kunkan seheg eleg wilil aso fanoroho welamuk-o. Nit ninindimu demat ulug ebetuk wilil, aphe ninindi hunduhuk welahe etno hele sing neken yihik welahe-o. Eke inunggulasum oag werehon wantaruk etno hag nit fano ninabuhu-o ulug ninindi ebetuk aheon ninunggulasum neken-at wantuk-o.

1 Petrus 5:9

Heag hinabil nuruk halug, Allah inuk waruk wilil, hat iblis hebe ulug yig ituk amiek-o. Ariroho sil nuruk wilil, it hinomini Allah udaki o kweanma werehon epmano obog at iblisen dahon inobam umburuk etno hit hiniluk-o.