Lukas 22:37 - Allah Wene Hurumbik Keron

³⁷ Eke bilin hurumbik ebahon etno ilitoho suruk wilil, ‘At etno ap dag surukon neken iren dahon etno obam umburusa-o,’ ulug ebag etno hag, An nebe iren dahon epmano nobam umbuhup ulug An demat yig hisaruk ahi-o. Ari halug, fobik An nahurumbik wene embebahon etno ilitoho-at seg aruhu-o,” ulug yig isaruk apagma,

Lukas 22:37 ပူးပေါင်းရင်းမြစ်များ

Markus 15:27

Umburuk apareg, At Yesus etno inim it ap biren inalomnangge herahebahon etano at misig inggik bikit fil, at misig inggik harebag fil e fam lenggaloko imbisebag.

Markus 15:28

Ariroho imbisebag ari, bilin At Yesaya etnowen hurumbik yig isaruk wilil, “At ebe ap dag surukon ulug it ap dag surukon epmano inim-at imbisahup-o,” ulug ebahon etno demat inahla bukag ulug ariroho imbisebag.

Lukas 18:31

Eke fobik At Yesusen it omini dua belas epmano inakeleg-at yanggap isaruk apareg, yig isaruk wilil, “Hinesanggo holiek-o. Nit o Yerusalem laruk amuhukmu, it nabien An Allahen minduhup naharision nahurumbik ebahon etno it apheyen demat uhup-o.

Lukas 22:22

Eke At Allahen bilin hurumbik ebag etno ilitoho An Allahen minduhup naharision etno wararuhukon oke, eke at ap senoko og naplug yonggo lahuon ari abua-o,” ulug yig isebag.

Lukas 22:36

Yig ituk apagma, eke At Yesusen yig isaruk wilil, “Kidia hinahuang anggen eset inim, hinasum inim wereg halug, hulimiek-o. Eke hinenggarog eleg halug, hinasum selemon epmano fam onggo bal simiek-o.

Lukas 22:52

Denggeksepfuruk apareg, At Yesusen it ap Allah unde inowesi suon inim, eke it o Allah ibam aso werehon inowesi epmano inim, eke it aphe inowesi epmano inim it ebe senebuog ulug wapahon epmano yig isaruk wilil, “An nebe ap dahon ahama sen nabuog ulug karog yikangge inim walug wahep ano?

Lukas 23:32

Yig isaruk apareg weregma, it ap biren dag suruk apahon etano At Yesus inim war inabukag ulug og inaplug wapag.

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Yohanes 10:35

Ariroho wereg halug, yi wene di wene Alkitab fam yig nisaruk ari, demat yig nisaruk hiniluk-o. Eke At Allahen, hit hinebe At Allah ilitoho suon welahep, ulug yig isebag it ap At awene yanggul isebahon epmano-at yig isebag-o.

Yohanes 17:4

Eke Anden o kweanma duma Hat hinuk suontep haharikik-o. Suontep haharuk wilil, yabuk sukag ulug ninggikmu imbirikinon etno arat sirikik-o, Nikni.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 3:13

Eke At Kristus etno wene homali nit ninobam werehon etno At obam ombatebareg fam, it Yahudi aben wene duroho suruk amuk eke duroho suruk am fug ulug ebahon etnowen homali ninobam embebahon etno elehepfebag-o. Eke ari halug, at Alkitab etno fam yig nisaruk wilil, “At ap misig e fam lenggaloko werehon halug, homali etno obam wereg-o,” ulug yig nisarukon etno wereg halug, At Kristus etno ninake ariroho sebag.