Lukas 22:33 - Allah Wene Hurumbik Keron

³³ Yig ituk apagma, at Petrus etnowen yig ituk wilil, “Eleg-o, Nowe. An Hat ninim hele war ninaplug ninusuk ari fano at-o,” ulug yig epag.

Lukas 22:33 ပူးပေါင်းရင်းမြစ်များ

Matius 20:22

Yig ituk apagma, eke At Yesusen yig isaruk wilil, “Hit kino yig nituk ahep ari, hinapeleg-at wilil kino yig nerehep-o. Ariroho ehebon oke, An nahik honanggo nahukon etno hit nao fano behep ano?” ulug yig isaruk apagma, eke it etnowen yig ituk wilil, “Yu-o, Hat hahik nahunon etno nit nao fano at-o,” ulug yig epag.

Markus 14:29

Yig isaruk apagma, eke at Petrus etnowen yig ituk wilil, “Eleg-o, it obog wilip amuhup oke, an hag hombahalug lahuk fug-o,” ulug yig ituk apagma,

Markus 14:31

at Petrus etnowen yig ituk wilil, “Eleg-o, anden ebe napeleg ari uhuk fug-o. Hat howatuk isalug, an ninim-at nowabukag-o,” ulug une ineroho-at yig ituk apagma, it obohen etnoroho-at yig epag.

Lukas 22:34

Yig ituk apagma, At Yesusen yig ituk wilil, “Petrus wai. Ariroho ehenon oke, sue ayam kulog etno une awan uruk eleg heheg, haren henahanam An ebe napeleg uhun-o,” ulug At Yesusen yig epag.

Lukas 22:57

at Petrus etnowen yig ituk wilil, “Hwe du, At ebe an napeleg-o,” ulug yig epag.

Yohanes 13:38

Ariroho yig ituk apagma, eke At Yesusen yig ituk wilil, “Haren ninim-at ninusukag ehen ari, demat ihi ulug hahla buruk ahen ano nomin? Ari halug, Anden wene misig yig hipmin-o. Fobik sue ayam kulog etno awan une uruk eleg heheg, haren henahanam ebe napeleg ulug imihin-o,” ulug yig epag.

Kisah Para Rasul 21:13

Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,