Lukas 22:31 - Allah Wene Hurumbik Keron

³¹ At Yesusen Petrus etno yig ituk wilil, “Simon wai, hesanggo holin-o. Eke ap misihen hulim anggen ahap fultuk etno hag, at iblis etno hit obog hinindi kahaliog ulug waruhu-o.

Lukas 22:31 ပူးပေါင်းရင်းမြစ်များ

Matius 26:30

it epmano di watuk apareg, Zaitun bunumu lahuog ulug wilip apag.

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Lukas 10:41

At Ninowe etnowen yig ituk wilil, “Marta wai, hat yi angge di angge anggolo sukon hindi seneni ebetuk ahenon oke,

Kisah Para Rasul 9:4

Seleg atuk apagma, at Saulus etno kweanma bule amburuk apareg weregma, boholmen une misig yig ituk wilil, “Saulus wai. Hat keroho ulug An nowariog ulug mug naplug wahen-o?” ulug yig itukmu esanggo holtuk apareg,

1 Korintus 5:5

ap ariroho surukon etno ahap dag aruhureg oke, indi At Ninowe waruhu etno fam fano sukag ulug, hiren ap ari oag deloko at iblis og imuog ulug fuloko imbiek-o.

2 Korintus 2:11

Eke at iblis etnowen seberep nisahuk nowen ulug, at ap etnowen dag sirision etno sohorep isalug, obam apelegsoho napma imbirikik-o. Eke at iblisen ariroho sik ulug ahla burukon etno niniluk-at-o.

1 Petrus 5:8

Eke hinindi fanoroho yaha welamiek-o. At selion hinim healeg welahebon iblis etno wam eli neken sil nuruk wilil, ap misig indi kahalepfulug libilik-o, ulug heag hinabil nuruk-o.

Wahyu 12:10

Belap inabik waharuk atusama, eke fobik boholmen une suon urukmu holtikik-o. Nesanggo holeg weregma, une etnowen uruk wilil, “At Allahen aphe inili wawon epmano kidia fanggog ehek-o. Eke At Allah inim, At Amloho Kristus etno inim suon ahesa-o. Suon ahesareg fam, At Allah olohotma ninomini nintul nantul inambolma dahaltukon epmano boholmen hik isehesa-o.