Lukas 22:30 - Allah Wene Hurumbik Keron

³⁰ An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Lukas 22:30 ပူးပေါင်းရင်းမြစ်များ

Matius 19:28

Yig ituk apagma, At Yesusen yig isaruk wilil, “Fobik yi angge di angge obog inebe keron neken imbisaruk halug, An Allahen minduhup naharision suon wilil, it aphe oag del inabiog ulug horie uruk aruhukmu, hit nomini dua belas mug naplug waharikibon etnowen it Israel ap inunggul oag dua belas etno oag del inabuog ulug ninim ilitoho-at wilil, horie uhuk-o, ulug yig hisihi ari, An demat yig hisihi-o.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Matius 8:11

Eke misig du hinindi eberiek-o. It aphe anggolo emu filon inim, ahamu filon inim waharuk amuhupseg, it Abraham, Ishak, Yakub inim boholma At Allah weregma epmano e daleg etno fam horieg welamuhup-o.

Lukas 12:37

Eke at inowe etno waharuk atlug, it anggimbu epmano iniluk wilil aso weregma ilanggen isaruk atlug, nanggimbu fanowon ulug yig isaruk-o. Eke aserlog keteroho wansalug, ninim horie ulen ulug inaso welaruhu-o.

Lukas 14:15

Yig isaruk apagma, ap misig inim esoho narukon etno esanggo holtuk apareg, At Yesus yig ituk wilil, “It At Allah weregma esoho nuog ulug horie uhubon epmano ahien inobam umbuhu hihi-o,” ulug yig epag.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

Wahyu 19:9

Ariroho uruk atusama, eke fobik at malaikat etnowen yig nituk wilil, “Duroho holal imbimihin-o. It At Wam Domba Udag etno inim esoho etno naruk amuhubon halug, inahien anggolo hahup-o,” ulug uruk atisireg, eke fobik yig nituk wilil, “At Allahen demat ehekma, yig hirihi,” ulug yig nitisi-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.

Wahyu 4:4

Mase surukmu, eke At horie uruk ambeg etno horogsoho it penatua epmano inasum huluon yiko inunggulasum emas fam sehon epmano wanteg wilil, inebe dua puluh empat it horie urukon epmano fam dahagsoho horieg weregma isarikik-o.