Lukas 22:29 - Allah Wene Hurumbik Keron

²⁹ Eke fobik An Niknien it aphe obog Inowe suon welamag ulug minduhup nahaku etno hag, hit suon welamag ulug minduhup hisahakukmu,

Lukas 22:29 ပူးပေါင်းရင်းမြစ်များ

Matius 24:47

Umburuk aruhureg, fobik at o unde etnowen at aharek obog aso welamag ulug at anggimbu fanowon etno-at minduhupfuhu ulug, An demat yig hisaruk ahi-o.

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Matius 25:34

An Hinowe suon etnowen it aphe ninggik bikit fil werehon epmano yig isaruk wilil, ‘Hit hinebe An Nikni ahien hinobam imbirision du hag maniek-o. Waharuk atlihipseg, amuk o kweanma epma awan wal haruk eleg wilil, o fanoma hit hinebe fano mondog welam ambeg ulug dugsoho hinombisahabahon etno-at holalihip-o.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Matius 5:10

Eke nin hiren fanowon suruk ahep etno fam war hinabuog ulug mug hisaruk isalug, wa. Boholma At Allah weregma hiren angge ulug og hisahu-o.

Matius 5:3

“Hit hinindi sebero­hon halug, wa. Boholma At Allah weregma hiren angge ulug og hisahu-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Lukas 19:17

Yig ituk apagma, eke at inowe etnowen yig ituk wilil, ‘Hat nanggimbu fano mondog welahen hiyihi-o. Yi angge di angge doron fam oke, hindi enggatoho suruk atikinteg fam, kidia o ahik nomaloen angge inowe welamag ulug minduhup haharuk ahi-o,’ ulug yig epag-o.

1 Korintus 9:25

Eke it obog inambik homagmag aptukon ari inoag wereg amag ulug fikfag suruk wilil, inunggulasum filik atukon epmano huluog ulug suruk oke, eke nit hag filik atuk elehon epmano huluog ulug suruk ahe-o.

2 Korintus 1:7

Eke ari halug, hit hinoag weregsoho welamuhup ulug ninahla buruk ahe-o, eke nit dahon ninobam umburuk epmano hag, hit hinobam umburukon oke, eke nit ninahlahiroho welamag ulug yig nisaruk etno hag hit yig hisaruk ari niniluk-o.

2 Timotius 2:12

Eke it ninen dahon etno ninobam umburukmu, ninahla bugsoho welamuhuk halug, At ninim-at suon welamuhuk-o. Eke At ebe ninapeleg uruk nisalug, Aren hit hinebe an napeleg ulug yig nisahu-o.

Yakobus 2:5

An nune etno fanoroho holiek-o. It aphe o kweanmen inaharek elehon epmano At Allah udaki welamag ulug Aren fuloko imbisaruk weregma, iren inindimu fikfag ebetuk wilil, At Inikni inindi hunduhuk wereg isalug, At Allah weregma imbisiog ulug abug yig isebahon etno fam ombatawag ulug fuloko imbisarisi-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.

Wahyu 21:14

Ariroho baleg weregma, o etno andorli helep dua bela­sen angge etno fam it At Wam Domba Udag etnowen omini mondep isebahon epmano ini­nuk dua belas holal baleg weregma harikik-o.