Lukas 21:34 - Allah Wene Hurumbik Keron

³⁴ At Yesusen yig isaruk wilil, “Hit hinindi aso welamiek-o. Ariroho wilil, esoho anggolo nenggeg, ambusu nenek surukon etno hinahumsoho nenggeg, eke yi angge di angge kweanmen surukon epmano hinindi seneni ebereheg suruk am fug-o.

Lukas 21:34 ပူးပေါင်းရင်းမြစ်များ

Matius 13:22

Eke i angge isinggama kililtil lebag etno hag ari, it nin wene inesanggo holtuk atlug oke, inindi seneni ebetukon etno inim, eke yi angge di angge holawon ebetukon etno inim, it inindi ariroho yi angge di angge kweanmon ebetukon ari obog-at inindimu anggen yihikup fug-o.

Markus 13:9

Ariroho suhubon epmano hiniluk halug hinindimu yaha fanoroho welamuk-o. Hit hinebe sen hinaplug it ap suon wene baltuk ambeg inim, it Yahudi ap sembahyang uruk ambeg inim, og hinaplug hinombisahik laruk amuhupseg, yikangge hinusuhup-o. Eke hit hinebe epmano it yi ap di ap inowesi ininuk suon epmano inolohotma minduhup hisahakupmu, hiren An ninuk fam wene fano wene etno yig isaruk amag ulug og hinaplug inambeg hinombisahik lahup-o.

Markus 4:19

eke an suon ulug urukon etno inim, eke inindi fam yi angge di angge surukon epmano inim, it inindi ariroho ebetukon ari obog-at inindimu anggen yihikup fug-o.

Lukas 10:41

At Ninowe etnowen yig ituk wilil, “Marta wai, hat yi angge di angge anggolo sukon hindi seneni ebetuk ahenon oke,

Lukas 12:40

Eke ari ilitoho, An Allahen minduhup naharision etno hiren ari sambit waruhu ulug hinapelegsoho weregma waruhuk-o. Ari halug, hit nohoruk neken welahep ari sohorep isalug, fanoroho naso welamuk-o,” ulug At Yesusen yig isebag.

Lukas 17:3

Eke hit hinindi aso fanoroho welamiek-o; hinomin misihen dag suruk halug, hiren esanggo watuk amuhupmu, aren ‘An dag sihi-o,’ ulug ioba yatuk halug, aren dag sirision etno obam apeleg amag ulug hinapma umbuhup-o.

Lukas 21:35

Ariroho surukmu, At Ninowe etno hetnogsoho ninambeg wam nowen ulug hinindi ebetuk am nowen-o. Eke boholmen sehenyabog hetnogsoho yibatuk etno hag, An Hinowe etno hetnogsoho-at aphe o ahik ya da inambeg waruhuk-o.

Lukas 21:8

Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Lukas 8:14

Eke i angge isinggama kililtil lebag etno hag ari it apheyen wene etno inesanggo holtukon oke, fobik inindi yi angge di angge holawon ebetukon etno inim, eke an kweanma dumen keroho fano welaruhuk ulug inindi seneni ebetukon inim, eke inindien yi angge di angge surukon epmano inim, ariroho anggolo ebetil nurukon ari, iren angge anggen yihikon etno wirik atuk eleg-o.

1 Korintus 5:11

Eke ari halug, kidia wene holal du bal hisaruk wilil, “At ap misihen an hinomin welahi ulug yig hisaruk oke, hwe ap uwheon surukon epmano inim, eke obabut dag wilil inggikmu arikon etno inim, eke kwanangge amurli hundutukon etno inim, eke une enggal-at inobam denggeltukon etno inim, eke ambusu nenek surukon etno donggogsoho narukon etno inim, eke komo wene yig isarukon epmano sohorep isalug dil dil angge surukon etno inim, ap ariroho surukon etno hit ninomin ulug hinim welam fug-o. Eke ap arion hinim horie ulug yi angge di angge na fug-o.”

1 Korintus 6:10

Eke it hwe ap uhweon surukon epmano inim, eke kwanangge amurli hundutukon epmano inim, eke it ap ap wanggik surukon epmano inim, eke inalomnangge warukon epmano inim, eke ininggikmu fereleg elehon epmano inim, eke ambusu nenek surukon donggogsoho narukon epmano inim, eke inenggal ap inobam denggeltukon epmano inim, eke komo wene yig isarukon sohorep isalug dil dil angge surukon epmano inim ari, Allah wereg ambeg kukon etno holahup fug-o.

Filipi 4:6

Eke yi angge di angge epmano fam hinindi seneni ebebuk fug-o. Eke At Allah wa ulug yig ituk wilil, du angge og ninim-o ulug At Allah obam kino uruk wilil sembahyang uruk amiek-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

2 Petrus 3:10

Eke ap inalomnangge wuog ulug herag herag waharuk etno hag, At Ninowe Yesus hetnogsoho waruhu-o. Waharuk aruhumu, bohol etno une suon uruk wilil, eleg aruhu-o. Eke mo inim, bikalem inim, soholoal inim, yi angge di angge kweanma werehon epmano inim hondoken naruk wilil, eleg aruhu-o.

2 Petrus 3:14

Ari halug nomini-o, At waruhuon etno aso wilil suruk aheon etno At Allahen ilanggen nisalug ninaren baltuk weregma, hit hinobabut fanoroho suruk wilil, hinim dambulig welamiek-o.

Wahyu 3:3

Ari halug, bilin iren yanggul hisarukmu, hinesanggo holtiki­bon etno hinindi ebetuk wilil, ilitoho suruk amuhuben dag suruk atikibon epmano sohorep isiek-o. Eke hinebe hiniluksoho minatuk eleg hiseheg, it ap inalomnangge herahuog ulug herako laruk etno hag, An nebe hetnogsoho hinambeg waharukon etno mo ari fam waruhu ulug hinapeleg-at welamuhup-o.