Lukas 21:12 - Allah Wene Hurumbik Keron

¹² Eke yi angge di angge epmano awan suruk eleg heheg, hit epmano hele warep hisalug, dahon etno hinobam umbuhup-o. Umburuk amuhupseg, o Allah wene uruk ambeg epmanowen hinunema wawag ulug hinebe og iseheg, eke aphe dahon kolap inaptuk ambeg epmano kolap hinabeheg eke hiren An ninuk eberoko wahup etno fam hinebe epmano it yi ap di ap inowesi ininuk suon epmano inolohotma minduhup hisahakeg suruk amuhup-o.

Lukas 21:12 ပူးပေါင်းရင်းမြစ်များ

Matius 22:6

it ninen at anggimbu yonggo lahap isebahon etano sen inaptuk apareg, inenggali warep isalug, fobik mondog warep isebag-o.

Matius 24:8

Eke hwe misihen ahudag enderiog ulug oloken suruk etno hag, yi angge di angge epmano ariroho surukmu it apheyen inakol hahup-o.

Lukas 21:11

eke o yugul suon seheg, eke orom obok angge lahakeg surukon epmano inim, uk ahahe etno inim obog-at hinilanggen haruk wilil, boholmen sukfuganggeroho hinakol hawon misig surukmu hahup-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Kisah Para Rasul 22:30

Eke fobik ininggik misig noholug, at Roma ap inowe suon etno ahla buruk wilil, “It Yahudi aben at Paulus obam inune dahon etno keroho ulug yig ituk-o?” ulug inunema wiog ulug suruk wilil, at Paulus hele warehon etno hibilipfuruk atisireg, it imam ap suon inim, it Yahudi ap inowesi suon inim obog-at wonggalik wamag-o, ulug yig isaruk atisireg, at Paulus inolohotma minduhupfirisi.

Kisah Para Rasul 5:40

it mondep isebahon epmano maniek ulug wol isaruk apareg, yig isaruk wilil, “Hit At Yesus inuk fam wene aphe obog yig isa fug-o,” ulug yig isaruk apareg, yikangge waroko sohorep isebag.

Kisah Para Rasul 8:3

Salepfik laruk apagma, at Saulus etnowen it Allah wene warukon epmano war inabil laruk wilil, inibam ya keheg sil lebag. Sil laruk wilil, ap hweap Allah wene warukon halug, wilip isa watlug, o dag surukon imbisaruk ambeg epmano kolap isaruk apag. Ariroho heag inabil laruk apareg, it Yerusalem aphe Allah wene warukon epmano mug inaplug laruk apagma, o Yudea Samaria inim lebag.

Kisah Para Rasul 9:4

Seleg atuk apagma, at Saulus etno kweanma bule amburuk apareg weregma, boholmen une misig yig ituk wilil, “Saulus wai. Hat keroho ulug An nowariog ulug mug naplug wahen-o?” ulug yig itukmu esanggo holtuk apareg,

1 Petrus 2:13

Ari halug, At Ninowe inuk fam it ap suon werehon epmano inapma welamiek-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.