Lukas 20:46 - Allah Wene Hurumbik Keron

⁴⁶ “It ap Allah wene baleg unde epmanowen hinindi kahaluk nowen hinonggarehen hinindi aso welamuk-o. Eke it epmano inasum yaron yiko wantepfulug kwalemke yuhun-at sil nuruk wilil, o onggo hundutuk ambeg epmano it apheyen nininuk suontepfuruk wilil heahi war ninabukag ulug sil nuruk am inindi-o. Ariroho sil nuruk wilil, o Allah wene uruk ambeg ap suon inahe belareg epmano fam horie eheg, eke wam waroko esoho suon esetuk ambeg epmano kulug anggela-at horie eheg suruk-o.

Lukas 20:46 ပူးပေါင်းရင်းမြစ်များ

Matius 16:6

Laruk apagma, At Yesus etnowen yig isaruk wilil, “Roti su amag ulug umburukon etno ilitoho, it Farisi Saduki ap inim ariroho wereg-o. Ari halug, inaren baluhuben hinindi ebetuk amiek-o,” ulug yig isebag.

Matius 23:1

Eke fobik At Yesus etnowen it aphe obog epmano inim, eke it At omini epmano inim obog-at yig isaruk wilil, “It wene unde epmano inim, eke it Farisi ap epmano at Musaen wene duroho suruk amuk eke duroho suruk am fug ulug ebahon etno unde wilil, yanggul isaruk amag ulug minduhup isebag-o.

Markus 8:15

“Roti su amag ulug umburukon etno ilitoho it Farisi ap inim, at inowe suon Herodes inim ariroho wereg-o. Ari halug, inaren baluhuben hinindi ebetuk amiek-o,” ulug inesanggo watuk wilil yig isebag.

Lukas 11:43

Hit Farisi ap du hinabua-o. Wene uruk ambeg olohot fil horieg welamon etno inim, eke onggo hundutuk ambehen heahi war hinabukon etno inim hinindi welahep ari hinabua-o.

Lukas 12:1

Eke fobik it aphe beribu-ribu anggolo-at wonggalik waharuk apareg, aphe inebe keleg atuken iniog anduhunmu apma obam dambuk welapag. Ariroho weregma, At Yesusen omini epmano yig isaruk wilil, “It Farisi ap epmano inindi biren wilil, roti su amag ulug umburuk etno hag suruk isalug, hiren fikfag yaharoho welamiek-o.

Lukas 14:7

Eke fobik it ap nin esoho nuog ulug wapahon epmano anggela horie ulen ulug surukmu isaruk apareg, At Yesusen wene ilitoho neken yig isaruk wilil,

Lukas 20:47

Eke it hweap suhweon epmano inabua iseheg eleg wilil, inibam muko wilip isalug, it imig sarukon oke, nit fano-o ulug aphe inil fam sembahyang yaron uruk-o. Ari halug, inebe oag deloko o dagma-at imbisahu-o,” ulug yig isebag.

Roma 12:10

Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

2 Timotius 4:15

Eke at ap etnowen niren wene yig isarukukon etno mondog nambit irisi halug, hat hag at ebe yaharoho welaruhun-o.

3 Yohanes 1:9

Eke alem misig du wereg-o. Holal misig anden it Allah inuk warukon epmano og isarikikon oke, eke at ap Diotrefes etnowen an suon-at welahi-o ulug, esanggo holtuk eleg-o.