Lukas 20:38 - Allah Wene Hurumbik Keron

³⁸ Ariroho wene embebahon epmano fam At Allah it inilukon-at Inikni wereg-o, ulug ninahla buruk ahe-o. It obog warehon inim, inilukon inim At Allahen inindi werehep isaruk halug, ari fam iniluk atuk-o,” ulug At Yesusen yig isebag.

Lukas 20:38 ပူးပေါင်းရင်းမြစ်များ

Matius 22:32

‘At Abraham Ikni An at-o. Eke at Ishak Ikni An at-o. Eke at Yakub Ikni An at-o,’ ulug yig epahon etno fam alem du niniluk atuk-o. At Allah ari aphe iniluk werehon epmano Inikni-at wereg-o. Eke it waratukon epmano hag Inikni eleg-o,” ulug yig isebag.

Markus 12:27

Wene ariroho ebahon etno fam alem du niniluk atuk-o. At Allah ari aphe iniluk werehon epmano Inikni-at wereg-o. Eke it waratukon epmano hag Inikni eleg-o. Ariroho wereg oke, hit wene etno hinenggal-at uruk ahep hisihi-o,” ulug yig isebag.

Lukas 20:39

Yig isaruk apagma, eke it wene unde ninen yig ituk wilil, “Ninowe yanggul nisarukon wai, fano-at yig nisehen-o,” ulug yig ituk apareg oke,

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 6:57

Eke At An Nikni iluk werehon etnowen lahap nabik waharisireg fam, An At ninim niluk-at welahi-o. Ari ilitoho, it aphe An nebe neken narukon epmano ninim niniluk-at welamuhuk-o.

2 Korintus 13:4

Eke At ebe oag elehon neken e fam lenggaloko embebagma warapahon oke, At Allahen oag werehon etno-at og epagma, ebe iluk wereg-o. Eke nit At Kristus ninim wilil, At il fam ninoag elehon-at oke, eke fobik hit hineyabuk suruk nisalug, At Allahen oag werehon etno og nisaruk aruhumu, At Kristus ninim niniluk-at welamuhuk-o.

2 Korintus 6:16

Eke At Allah ibam etno kwanangge umbuk ari hai-o. Eke nit hag, At Allah ilukon etno ibam neken welahe-o. Eke At Allahen bilin yig isaruk wilil, “It wereg ambeg epma nibam falsaruk aruhukseg, inanggelegma ninim welamuhuk-o. Eke iren Ninikni Allah yig nituk isalug, it inebe An nudaki-at welamuhup-o,” ulug yig isaruk apareg, eke fobik yig isaruk wilil,

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Wahyu 22:1

Nin eke at malaikat etnowen At Allah inim, At Wam Domba Udag etno inim horie uruk ambehen ik ilukon etno funal­tukmu heag nitisi-o. Ik etno olohore mondog fanowon-at heag nitisi-o.