Lukas 20:35 - Allah Wene Hurumbik Keron

³⁵ eke it fobik obog iniluksoho minduhup isahumu, iniluk mondog welamuhubon epmano it aben hweap holahup fug-o.

Lukas 20:35 ပူးပေါင်းရင်းမြစ်များ

Matius 12:32

Eke it ninen wene dahon An Allahen minduhup naharision etno nobam umburuk isalug, At Allahen inobam inapelegsoho sohorep isalug, apma imbisahu oke, eke it ninen wene dahon At Roh Kudus obam umburuk isalug, At Allahen kidia inim, fobik inim inobam inape­legsoho apma imbisahu fug-o,” ulug yig isebag.

Matius 22:29

Yig ituk apagma, eke At Yesusen yig isaruk wilil, “Hit wene baleg etno inim, eke At Allahen oag weregsoho surukon etno inim hinapeleg wilil, urunanggeroho-at uruk ahep-o.

Markus 10:42

Winimug yig isaruk apagma, At Yesusen it obog wonggalep isaruk apareg, yig isaruk wilil, “It yi aphe di aphe kweanmon inowesi suon minduhuk werehon epmanowen inosi inune oag weregsoho-at seberoho imbisarukon oke,

Markus 12:24

Yig ituk apagma, At Yesus etnowen yig isaruk wilil, “Hit At Allahen wene baleg fam yig hisebahon etno inim, eke At Allahen oag weregsoho surukon epmano inim hinapeleg wilil, urunanggeroho-at uruk ahep ano?

Lukas 16:8

Yig ituk apagma, eke at ap anggimbu ikni etno esanggo holtuk apareg, yig ituk wilil, ‘It obog hat homini welamag ulug hindi enggaren holal etno miraloko embehen hihi-o,’ ulug yig epag-o. Ariroho yig epareg fam, it aphe kweanmon duma ineyabuk inindi enggatoho surukon oke, it o seleg udaki epmano hag dorat inindi enggatoho suruk-o,” ulug At Yesusen yig isebag.

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Yohanes 5:29

Minatuk amuhupmu, it fano suruk atuson halug, iniluk welamon etno-at holawag ulug minduhup isahuk-o. Eke it dag suruk atuson halug, o dagma welamon etno-at holawag ulug minduhup isahuk-o,” ulug yig isebag.

Kisah Para Rasul 24:15

Eke At Allahen aphe fanowon inim, dahon inim iniluksoho minduhup isahuon it Yahudi aben demat ulug inindi ebetuk etno hag, anden ariroho-at ebetuk ahi-o.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

2 Tesalonika 1:5

Eke it ninen dahon etno hinobam umburukmu fanoroho welahep etno fam fobik onggo At Allah weregma-at kuhup-o. Eke ari fam At Allahen aphe ninaren baltug demat oag del ninaptuk ulug ninahla buruk ahe-o.

Ibrani 11:35

Eke it hweap nin epmano inindi demat ulug ebetuk iseheg, inudaki iniknisi inisasi war apahon epmano iniluksoho minduhup isaruk apareg, fobik og isebag. Eke it aphe nin epmano hag, ninebe fanoroho minduhup nisahaku ulug inahla buruk iseheg, it ninen hele war inaptuk wilil, “Hinili og hinabuk ano?” ulug yig isaruk apagma, it epmanowen, “Eleg-o,” ulug uruk apareg, warapag.

Wahyu 3:4

Eke hit Sardis aphe nin epmano hinasum nintul nantul ho saruk ahep-o. Ariroho ho saruk ahep ari fam, fobik hinasum huluon wantep hisaharuk aruhukseg, og hinaplug ninim lahuk-o.