Lukas 20:20 - Allah Wene Hurumbik Keron

²⁰ It epmano bok atuk apareg, o ke sul hele wabuhuk ulug aso wilil, it ap nin nit fano-at welahe-o ulug urukon epmano uang anggen dorat og isebag. Og isaruk apareg, yig isaruk wilil, “At Yesus enggali wabuhuken hiren hinog wak lalihip-o,” ulug yig isaruk apareg, uruk wilil, “Fobik dahan fahan uruk halug, at Gubernur etnowen aren balukag ulug senoko og imuhup-o,” ulug inahla bebag.

Lukas 20:20 ပူးပေါင်းရင်းမြစ်များ

Matius 27:2

Wene baltuk apareg, At Yesus etno hele bisuemanggen fam waroko walug at Pilatus, Gu­bernur etno ambeg imbik lebag.

Markus 3:2

Kuruk apagma, it aphe epmano inahla buruk wilil, o hari Sabat sembahyang uog ulug bok wereg niseheg oke, ap du fano sikon ano, eleg ano? Fano suruk halug, At o hari Sabat fam yabuk sehek ulug niren ninune obam denggeltulen-o, ulug inilanggen fikfag wenaharuk apag.

Lukas 11:54

Yig ituk apareg, eke fobik Aren une dahan fahan urukim enggali wabulen ulug hinog anggolo webag.

Lukas 20:21

Inahla buruk apagma, it uang anggen herako og isebahon epmano At Yesus ambeg laruk apareg, yig ituk wilil, “Ninowe yanggul nisarukon wai, Haren wene yig isaruk wilil, demat yanggul isaruk ahenon epmano niniluk-o. Eke it apheyen ap misig suon ano, doron ano ulug inahla burukon etno hahlahiroho wilil, Haren yig isaruk ahen ari, At Allahen wene duroho suruk amuk eke duroho suruk am fug ulug yig isebahon etno demat yig isaruk ahenon etno niniluk-o.

Lukas 20:26

Yig isaruk apagma, it epmanowen wi ulug inesanggo holtuk apareg, ebe senebukon it aphe obog inil fam alem eleg atuk apagma, sohorep isebag.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.