Lukas 20:17 - Allah Wene Hurumbik Keron

¹⁷ eke At Yesus etnowen yet isaruk apareg, yig isaruk wilil, “Eleg ehep ari, eke Alkitab fam werehon etno-at yig hisamin oke, hiren ebe ariroho wereg ulug yig nitlihip-o. Alkitab wene baleg etnowen yig nisaruk wilil, ‘It o faltukon etnowen e du dahon-o ulug sohorep isebahon etno, fobik at misihen o isin neken-at lahapfebag-o,’ ulug Alkitab fam wereg heheg,

Lukas 20:17 ပူးပေါင်းရင်းမြစ်များ

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

Markus 10:23

Laruk apagma, At Yesus etno olohore dahagsoho omini epmano yet isaruk apareg, yig isaruk wilil, “It inaharek yi angge di angge anggolo werehon epmano At Allah weregma kuk hai-o,” ulug yig isebag.

Markus 12:10

Alkitab wene baleg etnowen yig nisaruk wilil, “It o faltukon epmanowen helep du dahon-o ulug sohorep isebahon etno, fobik At misihen o isin neken-at lahapfebag-o.

Markus 3:5

Ariroho bok weregma, obam winimugsoho ilanggen bik iseheg, eke it aphe obog inindi dahon wereg isalug, inabua iseheg suruk apareg, ap inggik hunduhukon etno yig ituk wilil, “Hat kidia hinggik bung himin-o,” ulug yig ituk apagma, bung haruk apareg, inggik etno arat fano apag.

Lukas 19:41

Eke fobik At Yesus etno o Yerusalem horog fanggog ik waharuk apareg, ilanggen yet haruk wilil, ioba yapag.

Lukas 22:37

Eke bilin hurumbik ebahon etno ilitoho suruk wilil, ‘At etno ap dag surukon neken iren dahon etno obam umburusa-o,’ ulug ebag etno hag, An nebe iren dahon epmano nobam umbuhup ulug An demat yig hisaruk ahi-o. Ari halug, fobik An nahurumbik wene embebahon etno ilitoho-at seg aruhu-o,” ulug yig isaruk apagma,

Lukas 22:61

Une uruk apagma, At Ninowe etno olohore ambolma dahag uruk apareg, at Petrus ebe yet haruk apagma, eke at Petrus etno Yesusen yig epahon epmano ahla ebetuk wilil, sue ayam une awan uruk eleg heheg, henahanam an ebe napeleg uhun ulug yig nitisi-o, ulug ahla buruk apareg, selema wilip apag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 15:25

Ariroho inambit hun ninaptusa ari, Alkitab wene baleg etno fam yig isaruk wilil, ‘Alem eleg heheg inambit hun ninaptusa-o, ulug ebahon etno demat ebag ulug inahla bukag ulug, inambit hun ninaptusa-o,’ ulug yig isebag.

Kisah Para Rasul 4:11

Eke At Yesus ahurumbik bilin wene holal baleg etno fam yig hisaruk wilil, ‘It o faltukon etno e du dag-o ulug uruson oke, fobik e etno o wut oag ulug minduhupfirisi-o,’ ulug wene holal baleg etno fam,

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

1 Petrus 2:6

Eke wene ilitoho neken Alkitab fam holal embebahon du hiniluk-o, “An Allahen o wut oag suon heako imbirikikseg, nudaki hinibam epmano faltuk ahi-o. At o wut oag suon neken werehon etno obam ebetuk hisalug, hinenggalirep hisahakuk fug-o,” ulug ebag etno hag,