Lukas 2:27 - Allah Wene Hurumbik Keron

²⁷ Yig ituk apagma, Roh Kudusen walug o At Allah ibam etno kebag. Kebareg weregma, fobik At Yesus ikni isina etano Musaen wene ebahon etno ilitoho suog ulug Udag etno walug kuruk apagma,

Lukas 2:27 ပူးပေါင်းရင်းမြစ်များ

Matius 4:1

Eke fobik At Yesus etno iblisen indi kahalik wamag ulug At Roh Kudus etnowen walug o limu aphe eleg ambeg epmano le­bag.

Lukas 2:22

Soaltuk apareg, bilin at Musaen hwe misig udag endohopfulug bok welamag-o ulug ebag etno fam at Maria etno ilitoho bok welapareg, Udag etno Allah olohotma umbuog ulug o Yerusalem walug lebag.

Lukas 2:28

at Simeon etnowen Udag ebe ahoma wal kiko waruk apareg, Allah inuk suontepfuruk wilil,

Lukas 2:41

Eke bilin At Yesus ikni isina etano esoho Paskah etno o Yerusalem esetukmu nuog ulug lebag etno hag,

Lukas 2:48

Fog surukmu, At ikni isina etano inilanggen haruk apareg, inakol hebag. Inakol haruk apareg, At isina etnowen yig ituk wilil, “Namloho-o, Hat keroho ulug ariroho suruk ahen-o? Nit hikni hisina kema aha ulug ninindi angginen heag habil lahereg wahe-o,” ulug yig ituk apagma,

Lukas 2:51

Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Lukas 4:1

Eke fobik At Yesus etno Roh Kudus indi kuruk apagma, ik Yordan ikmen laharuk apareg weregma, At Roh Kudusen walug o limu aphe eleg ambeg epmano lahapfebag.

Kisah Para Rasul 10:19

at Petrus etno an ebe belabik waharukmu hihi etno keroho yig nerehek, ulug indi ebetukmu, At Roh Kudus etnowen yig ituk wilil, “Kidia it ap henahan etno hat heag habil wahesa-o.

Kisah Para Rasul 11:12

Waharuk atusama, eke At Roh Kudusen yig nituk wilil, ‘Hat hambit iseheg eleg-at hinim alu-o,’ ulug yig nituk atisimu, it nomini enggalimen angge etano ninim o Kaisarea laruk atukukseg, at Kornelius ibam etno kurukuk-o.

Kisah Para Rasul 16:7

it etano o Misia horog etno waharuk apareg, o Bitinia kuog ulug surukmu, At Yesus Roh Kudus etnowen, “O epma la fug-o,” ulug yig isaruk apagma,

Kisah Para Rasul 8:29

Wane suruk weregma, At Roh Kudus etnowen Filipus etno yig ituk wilil, “Kereta ari kwalema salkal uruk apmihinteg, hinim wene baltihip-o,” ulug yig epareg fam,

Galatia 4:4

Ariroho uruk atukukon oke, eke fobik At Allahen sukon etno fanggog uruk apagma, At Allahen Amloho etno belabik wapag-o. Belabik waharuk apagma, hwe misig amloho neken endag apag-o.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.

Wahyu 17:3

Yig nituk atisimu, At Roh Kudus omalaikat etnowen og naplug o limu aphe eleg ambeg epmano nom­bahik larisi-o. Nombahik laruk atisimu, at hwe misig walo suon etno amboloag fam horieg weregma, nilanggen harikik-o. Walo nilanggen harikikon etno olo­hore mebon wilil, yi dag di dag surukon epmano ininuk holal obam baleg weregma harikik-o. Eke walo ari ungguluag sabiren angge etno inim, ayeg ungguluag famen wili­bohon nomaloen angge etno inim weregma nil harikik-o.