Lukas 19:17 - Allah Wene Hurumbik Keron

¹⁷ Yig ituk apagma, eke at inowe etnowen yig ituk wilil, ‘Hat nanggimbu fano mondog welahen hiyihi-o. Yi angge di angge doron fam oke, hindi enggatoho suruk atikinteg fam, kidia o ahik nomaloen angge inowe welamag ulug minduhup haharuk ahi-o,’ ulug yig epag-o.

Lukas 19:17 ပူးပေါင်းရင်းမြစ်များ

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Lukas 16:10

Eke ap misig yi angge di angge doron fanoroho surukon etnowen suon etno fanoroho-at suruk-o. Eke ap misig yi angge di angge doron yamintalsoho surukon etnowen suon etno yamintalsoho-at suruk-o.

Lukas 19:16

Wol isaruk apagma, eke at misig waharuk apareg, yig ituk wilil, ‘Nowe-o, haren uang anggen og nitikinon etno fam dambuksoho nomalo hundoko imbirikik-o,’ ulug yig epag-o.

Lukas 19:18

Yig ituk apagma, eke fobik at anggimbu misig waharuk apareg, yig ituk wilil, ‘Nowe-o, hat uang anggen misig og nitikinon etno fam, dambuksoho fuaben angge hundoko imbirikik-o,’ ulug yig epag-o.

Lukas 22:30

An Hinowe suon nibamen esoho etno ninim naruk amuhuk-o. Naruk amuhukseg, it Israel aphe inungguluag dua belas epmano inaren balukag ulug minduhup hisahakuk-o,” ulug yig isebag.

Roma 2:29

Eke ap misig ahap selemen-at Yahudi ap ulug wereg eleg-o. Eke wene holal baleg etno uneyen-at wane sulug Yahudi ap atuk eleg-o. We indi undama At Allah Roh Kudusen fano sirision etno hag ari demat Yahudi ap ulug wereg-o. Eke at ap arion hag it apheyen suontepfuruk eleg-o, At Allahen-at suontepfuruk-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

1 Petrus 1:7

ari fam hit Allah wene etno hinoag weregsoho waruk amuhup-o. Eke emas etno hondoken olohore hulu atuk etno hag, hit Allah wene etno fanoroho waruk wilil, hinoag weregsoho welamuhuben ulug kidia aren hinaren baltuk wereg-o. Hinaren baltukmu, fobik At Yesus Kristus waruhu etno fam, hinim ilitoho amuhupseg, fanowon etno huluog ulug welahep-o.

1 Petrus 5:4

Ariroho surukmu, eke fobik nit obog ninaso werehon etno waruhureg, hit fanoroho inaso welahebon etno suontep hisahaku-o.