Lukas 18:43 - Allah Wene Hurumbik Keron

⁴³ ilanggen buhon etno arat fenggen atuk apareg, Allah inuk suontepfuruk wilil, At Yesus inim lebag. Inim larukmu, it apheyen inilanggen haruk apareg, it obohen At Allah inuk suontepfebag.

Lukas 18:43 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 21:14

Yig isaruk apagma, it inilanggen buhon etano inim, eke it iniog dahon epmano inim, obog At ebe Allah ibam epmano weregma ambeg wapag. Waharuk apagma, At etnowen fano inapag.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Lukas 13:17

Ariroho yig isaruk apagma, it At Yesus inambit hebahon epmano inenggali hebag. Inenggali haruk apagma, eke it aphe nin obog At Yesusen sukfugangge sebahon etno wi ulug inahien hebag.

Lukas 19:37

Dalepfuruk apagma, At etno o Yerusalem horog fanggog ik waharuk apareg, Zaitun bunumu laharuk ambeg kwalem handohalma etano weregma, it aphe obog At inim lebahon epmanowen yiroho diroho sukfugangge anggolo surukmu inilanggen haruk apareg, inune suontoho At Allah inuk suontepfuruk wilil, uruk apag,

Lukas 4:39

Yig ituk apagma, at hwe etno uk wareg wilil nohorukmu, At Yesus etno ambeg kuruk apareg, uk salo elekelek surukon etno winimug yig epag. Yig ituk apagma, uk etno eleg apag. Eleg atuk apagma, at hwe etno minatuk apareg, inaso welapag.

Lukas 5:26

Ibam larukmu it obohen inilanggen haruk apareg, wi ulug inakol haruk wilil fog sebag. Fog suruk apareg, At Allah inuk suontepfuruk wilil, “O yoho elalintoho surukmu hehe-o,” ulug uruk apag.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 4:21

Yig isaruk apagma, it Yahudi ap inowesi suon epmanowen dahagsoho inesanggo watuk apareg, sohorep isebag ari, dahon etno keroho inobam umbuk ulug inapeleg atuken sohorep isebag.

Galatia 1:24

iren an farim At Allah inuk suontepfurusa-o.

1 Petrus 2:9

It epmano wataruson oke, eke hit hag fuloko hinombisarision epmano, At Allah udaki-at welahep-o. Ap misig inuk fam hinungguluag soal hinaptisi fug-o. Hit Allah udaki epmano o hikmu epmanowen wol hisarisimu, o selegma wilil, At Allahen elalintoho sirision etno yig isil lawag ulug wol hisarisi-o.