Lukas 18:22 - Allah Wene Hurumbik Keron

²² Ulug yig ituk apagma, At Yesus etno esanggo holtuk apareg, yig ituk wilil, “Hat wene misig du-at waruk ahen fug hiyihi-o. Wene ebe waruk ahen fuhon ari, hat yi angge di angge anggolo werehon epmano nin uang anggen onggo baloko, it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 18:22 ပူးပေါင်းရင်းမြစ်များ

Matius 19:21

Yig ituk apagma, At Yesusen yig ituk wilil, “Hat nobabut fanoroho welam hahla buruk wilil halug, hat yi angge di angge anggolo werehon etno fam uang anggen onggo baloko it aphe inaharek elehon epmano sumbut isa lag-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 10:42

sohorep isalug ebe misig hindimu ebebuk fano. Eke at Maria etnowen ebe fanowon etno imihikekseg fam, mondog-at holahu-o,” ulug yig epag.

Lukas 12:33

Eke hinaharek anggolo wereg halug, uang anggen anggolo fam onggo baloko it inaharek elehon epmano og isaruk amiek-o. Eke hinahuang eset fanowon umburuk ahep etno hag, boholma hinaharek ombataruk amiek-o. Epmen hinaharek epmano olohore dag aheg eleg weregma, it ap heraharukon epmanowen diloko herag seheg eleg, bak sumbuen baleheg eleg surukmu, fano mondog wereg-o.

Lukas 16:9

Yig isaruk apareg, eke fobik inim yig isaruk wilil, “It inaharek anggolo werehon epmano hinomi amagsoho ariroho suruk amiek ulug An demat yig hisaruk ahi-o. Eke fobik yi angge di angge kweanmon epmano obog sohorep isalug, hinibam boholma welamuhup ambeg epmano ninim welamuk ulug yig hisahu-o.

Lukas 18:21

Yig ituk apagma, eke at etnowen yig ituk wilil, “Yu-o Nowe. An udag doron heheg, wene etno holtug suruk wilil, nintul nantul ilitoho-at suruk ahi-o.”

Lukas 18:23

Ariroho yig ituk apagma, at ap etno esanggo holtuk apareg, at aharek yi angge di angge anggolo wilil, indi dag apag.

Lukas 9:23

Yig isaruk apareg, eke fobik it obog yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno nintul nantul hinomalo fam holalug, An ninim-at sil nuruk amuhuk-o.

Filipi 3:13

Nomini-o, eke anden fanowon etno arat holarikik ulug uruk ahi fug-o. Eke misig suruk ahi ari, yi angge di angge nambolma werehon epmano napelegsoho sohorep isalug, fanowon nolohotma werehon etno hag huliog ulug suruk ahi-o.

2 Petrus 3:8

Eke nomini, fobik alem misig du yig hisik-o. Nit aphe kweanmon hag nininggik dorat wane suruk oke, At Allahen seribu tahun anggolo wane suruk wereg-o.